नवी दिल्ली : सध्या ऑनलाईन खरेदी-विक्रीचा चांगला ट्रेंड सुरु आहे. त्यात अमेझॉन-फ्लिपकार्ट ई-कॉमर्स प्लॅटफॉर्मवर ही सेल सुरू आहे. या सेलमध्ये भरपूर ऑफर्स आणि डील उपलब्ध आहेत. त्यात तुम्हाला खास एअर कंडिशनर (एसी) फायद्याचा ठरणार आहे. यात इन्स्टॉलेशन आणि डिसमॅन्टलिंगही जलद होतंय.
अमेझॉन-फ्लिपकार्ट सेल दरम्यान काही पोर्टेबल एसी उपलब्ध आहेत. नावाप्रमाणेच, ते एका ठिकाणाहून दुसऱ्या ठिकाणी हलवणे सोपे आहे. त्यांना चाके असतात, ज्यामुळे ते हलवणे सोपे होते. विंडो एसी किंवा स्प्लिट एसी बसवण्यासाठी भिंतीत कट करणे किंवा खिडकी काढून टाकावी लागते. त्यामुळे या दोन्ही प्रकारच्या एसीमध्ये पाडणे आणि नंतर बसवणे आवश्यक आहे. पोर्टेबल एसीच्या बाबतीत असे नाही. हा एसी कधीही, कुठंही नेता येऊ शकतो.
सध्या अमेझॉन इंडियावर या पोर्टेबल एसीची किंमत ३०४९० आहे. ते सोप्या हप्त्यांमध्ये देखील मिळू शकते. हा एक टनाचा एसी आहे. त्याची किंमत तुम्हाला विंडो एसीपेक्षा जास्त असू शकते. मात्र, तुम्हाला हा ऑनलाईन कमी किमतीत मिळू शकणार आहे.
काही क्षणांत रूम होईल थंड
क्रूझ १-टन पोर्टेबल एसी फक्त ८०-१०० स्क्वेअर फूट व्यापतो. जर तुमचे घर मोठे असेल तर तुम्ही ते दुसऱ्या खोलीत किंवा कोपऱ्यात हलवू शकता. याने संपूर्ण रूममध्ये थंड हवा येऊ शकेल.
