महिलांना गरोदरपणात काळजी घेण्याचा सल्ला दिला जातो. या काळात अनेक बदल होताना दिसतात. त्यात हार्मोनल बदलांमुळे त्वचेची अतिरिक्त काळजी घेणे आवश्यक असते. त्वचेचा कोरडेपणा, केस गळणे, मुरुमांची समस्या इत्यादी काही समस्या गर्भधारणेदरम्यान त्रास देऊ शकतात. त्यामुळे याकडेही लक्ष देणे गरजेचे आहे.
मिनरल मेकअप हा एक सध्या चांगला पर्याय ठरत आहे. यामध्ये कोणतेही त्रासदायक घटक नसतात. मिनरल मेकअपमध्ये टायटॅनियम आणि झिंक असते जे नैसर्गिक एसपीएफ म्हणून काम करतात आणि तुमच्या त्वचेला हानिकारक किरणांपासून वाचवतात. यामुळे गरोदरपणात त्वचेची काळजीही घेतली जाते. तसेच बाळ पोटात असताना, पोटाभोवतीची त्वचा ताणली जाते. स्ट्रेचिंगमुळे स्ट्रेच मार्क्स तयार होतात. या दरम्यान, त्वचेच्या टिशूमध्ये कोलेजन आणि इलास्टिन फायबर तुटतात, ज्यामुळे चट्टे तयार होतात.
स्ट्रेच मार्क्स बरे करण्यासाठी कोको बटर वापरल्यास फायद्याचे ठरू शकते. गर्भधारणेदरम्यान हा एक सुरक्षित उपाय मानला जातो. तुम्ही याचा वापर गरोदरपणात त्वचेच्या काळजीमध्ये करू शकता. हार्मोनल बदलांमुळे आपली त्वचा अधिक संवेदनशील बनते. गर्भधारणेदरम्यान मुरुम किंवा पुरळ ही एक सामान्य समस्या आहे.
हायपरपिग्मेंटेशनच्या समस्येमुळे, मेलेनिनचे जास्त उत्पादन होते, ज्यामुळे कपाळ, वरचे ओठ, गालाची हाडे इत्यादींजवळ गडद किंवा तपकिरी चट्टे तयार होतात. याकडेही लक्ष देणे आवश्यक आहे.
