Jalgaon Horror: जळगाव जिल्ह्यातील भुसावळ शहरात कौटुंबिक वादातून रक्तरंजित हल्ला झाल्याची धक्कादायक घटना घडली आहे. खडका रोड परिसरातील अयान कॉलनीमध्ये शुक्रवारी, 12 सप्टेंबर रोजी रात्री 8:30 वाजता जावयाने केलेल्या हल्ल्यात पत्नीच्या मामाचा मृत्यू झाला, तर वडील गंभीर जखमी झाले आहेत.
प्राप्त माहितीनुसार, मृत व्यक्तीचे नाव शेख समद शेख इस्माईल (वय 40, रा. कंडारी) असे असून, जखमींची ओळख शेख जमील शेख शकूर (वय 52, रा. धुळे) अशी आहे. संशयित आरोपीचे नाव सुभान शेख भिकान कुरेशी (रा. भुसावळ) असे आहे.
सुभान शेख आणि त्याची पत्नी सैदा यांच्यात काही दिवसांपासून वाद सुरू होता. पत्नी घर सोडून गेल्यानंतर वाद मिटविण्यासाठी शुक्रवारी रात्री नातेवाईकांची बैठक झाली. त्याचवेळी वाद चिघळला आणि सुभान शेखने पत्नीचे मामा व सासरे यांच्यावर धारदार शस्त्राने हल्ला केला.
रुग्णालयात मृत्यू
दोघांनाही तातडीने भुसावळ ग्रामीण रुग्णालयात आणि नंतर जिल्हा सामान्य रुग्णालयात हलवण्यात आले. मात्र डॉक्टरांनी समद शेख यांना मृत घोषित केले, तर शेख जमील यांच्यावर उपचार सुरू असून त्यांची प्रकृती गंभीर आहे.
