Pune News : पुणे जिल्ह्यातील प्रवाशांसाठी महत्त्वाची माहिती समोर आली आहे. वडगाव बुद्रुक येथे स्वराज्यरक्षक संभाजी महाराजांच्या पुण्यतिथीनिमित्त मोठ्या प्रमाणावर भाविकांची गर्दी अपेक्षित असल्याने परिसरातील वाहतुकीत तात्पुरते बदल करण्यात आले आहेत.
जिल्हाधिकारी तथा जिल्हादंडाधिकारी जितेंद्र डूडी यांनी यासंदर्भात आदेश जारी केले आहेत. त्यानुसार मंगळवार, 17 मार्च 2026 रोजी रात्री 10 वाजल्यापासून ते 18 मार्च 2026 रोजी रात्री 10 वाजेपर्यंत या भागातील वाहतूक पर्यायी मार्गाने वळवण्यात येणार आहे.
कोणते मार्ग बदलले जाणार?
कोरेगाव भीमा बाजूकडून चाकण-पाबळकडे जाणारी अवजड वाहतूक कोरेगाव भिमा – सणसवाडी – शिक्रापूर – गॅस फाटा – वाजेवाडी चौफुला या मार्गे वळविण्यात येणार आहे.
चाकण-पाबळकडून पुण्याकडे येणारी अवजड वाहतूक वाजेवाडी चौफुला – गॅस फाटा – शिक्रापूर – सणसवाडी – कोरेगाव भिमा या पर्यायी मार्गाने वळवली जाणार आहे.
भाविकांसाठी वाहनांवर निर्बंध
कोरेगाव भीमा बाजूकडून येणाऱ्या भाविकांच्या वाहनांना संस्थेजवळ निश्चित करण्यात आलेल्या स्टॉपेज पॉइंटच्या पुढे जाण्यास मनाई करण्यात आली आहे. तसेच चाकण आणि पाबळ मार्गे येणाऱ्या भाविकांच्या वाहनांना वढू – वाजेवाडी चौफुला मार्गावरील पार्किंग पॉइंटच्या पुढे जाण्यास परवानगी दिली जाणार नाही. मात्र व्हीव्हीआयपी, व्हीआयपी तसेच शासकीय वाहनांना या निर्बंधातून सूट देण्यात आली असल्याचे आदेशात नमूद करण्यात आले आहे.
