Today Weather : महाराष्ट्रात उत्तरेकडून येणाऱ्या थंड हवामानामुळे गेल्या दोन दिवसांपासून कडाक्याची थंडी जाणवत आहे. राज्यातील अनेक भागांत किमान तापमान १० अंश सेल्सिअसच्या खाली घसरले असून काही ठिकाणी तो ५ ते ६ अंशांशापर्यंत खाली आला आहे. लोक रात्री शेकोट्या पेटवून थंडीपासून बचाव करताना दिसत आहेत.
शुक्रवारी (१२ डिसेंबर) राज्यातील सर्वात कमी तापमान जेऊर (पुणे जिल्हा) येथे ५.० अंश सेल्सिअस नोंदवले गेले. तर परभणीत ५.५ अंश, निफाडमध्ये ५.७ अंश, धुळे व अहिल्यानगरमध्ये प्रत्येकी ६.१ अंश, जळगावमध्ये ६.९ अंश तापमानाची नोंद झाली. पुण्यात किमान तापमान ८.३ अंशांपर्यंत खाली आले आहे.
हवामान विभागाने सांगितले की, जेऊर, धुळे, निफाड, जळगाव, अहिल्यानगर, परभणी, यवतमाळ या भागांत शुक्रवारी “थंडीची लाट” (cold wave) स्थिती होती. आजपासून थंडीची तीव्रता किंचित कमी होईल, मात्र हुडहुडी भरणारी थंडी पुढील काही दिवस कायम राहील, असा अंदाज आहे.
महाराष्ट्रात डिसेंबरमध्ये एवढी थंडी फारच क्वचित पाहायला मिळते. राज्यातील नागरिकांना उबदार कपडे, शेकोट्या आणि गरम पेयांचा आधार घ्यावा लागत आहे. थंडीमुळे सकाळी व रात्री धुकेही दाट होत असल्याने वाहनचालकांनी काळजी घेण्याचे आवाहन करण्यात आले आहे.
काही प्रमुख शहरांचे आजचे किमान तापमान
पुणे : ८.३ अंश सेल्सियस
अहिल्यानगर : ७.३ अंश सेल्सियस
धुळे : ६.१ अंश सेल्सियस
जळगाव: ६.९ अंश सेल्सिय
सजेऊर: ५.० अंश सेल्सियस
कोल्हापूर: १३.५ अंश सेल्सियस
महाबळेश्वर: १२.२ अंश सेल्सियस
