मुंबई : दबंग स्टार सलमान खान याची बॉलीवूडमध्ये चांगलीच चर्चा असते. सलमान खान हा एक सुपरस्टारपैकी एक आहे ज्यांचे चाहते त्याची एक झलक पाहण्यासाठी आतूर असतात. सलमान खान हा वर्षानुवर्षे बॉक्स ऑफिसवर किंबहुना बॉलीवूडवर राज्य करताना दिसत आहे. त्याच्या कामात इतका व्यस्त असलेला सलमान स्वतःसाठी वैयक्तिक वेळ देऊ शकत नाही असे दिसते.
सलमानने अलीकडेच सौदी अरेबियातील जेद्दाह येथे झालेल्या रेड सी फिल्म फेस्टिव्हलमध्ये भाग घेतला होता. जिथे त्याने त्याच्या चित्रपटांबद्दल आणि जीवनशैलीबद्दल उघडपणे भाष्य केले. सलमान खानने त्याच्या बिझी शेड्युलबाबत सांगितले आहे. गेल्या २५ वर्षांपासून खूप व्यस्त आहे. तो त्याच्या कुटुंबासह जेवायलाही गेला नाही. मी माझ्या आयुष्यातील बहुतेक काळ माझ्या कुटुंबासोबत आणि मित्रांसोबत घालवला आहे, त्यापैकी बरेच जण निघून गेले आहेत आणि फक्त ४-५ जण माझ्यासोबत बराच काळ राहिले आहेत.
तसेच सलमान म्हणाला की, मी बाहेर जेवायला गेल्यापासून २५-२६ वर्षे झाली आहेत. शूटिंग ते घर, घर ते शूटिंग, घर ते विमानतळ, विमानतळ ते हॉटेल आणि हॉटेल ते इथपर्यंत. हे माझं आयुष्य आहे. मी जास्त वेळ घरातील लोकांसोबत घालवला नाही.
