Petrol Diesel Rate : पुणे शहर, पिंपरी-चिंचवड आणि हिंजवडी परिसरातील वाहनधारकांसाठी महत्त्वाची बातमी समोर आली आहे. सीएनजीच्या दरात पुन्हा एकदा वाढ करण्यात आली असून प्रति किलोमागे २ रुपयांची वाढ लागू करण्यात आली आहे. काल मध्यरात्रीपासून हे नवे दर लागू झाले आहेत. विशेष म्हणजे ही दरवाढ सध्या केवळ पुणे परिसरापुरतीच मर्यादित आहे.
दरम्यान, सीएनजीचे दर वाढले असले तरी पेट्रोल आणि डिझेलच्या किंमतींमध्ये कोणताही बदल झालेला नाही. राज्यभरात इंधनाचे दर स्थिर असून गेल्या अनेक महिन्यांपासून पेट्रोल-डिझेलच्या दरांमध्ये मोठा चढ-उतार झालेला नाही.
महाराष्ट्रातील प्रमुख शहरांमध्ये मुंबईत पेट्रोल १०३.५४ रुपये तर डिझेल ९०.०३ रुपये प्रति लिटर आहे. पुण्यात पेट्रोल १०३.९९ आणि डिझेल ९०.५२ रुपये प्रति लिटर दराने विकले जात आहे. साताऱ्यात पेट्रोलचा दर सर्वाधिक १०५.१३ रुपये असून छत्रपती संभाजीनगरमध्ये १०५.०९ रुपये आहे.
सीएनजी दरवाढीचा थेट परिणाम रिक्षा, कॅब चालक तसेच रोजच्या प्रवासासाठी सीएनजी वाहनांचा वापर करणाऱ्या नागरिकांवर होणार असून प्रवास खर्च वाढण्याची शक्यता व्यक्त केली जात आहे.
