Pune Water Cut: पुणेकरांसाठी महत्त्वाची बातमी आहे. ३० ऑक्टोबर (गुरुवार) रोजी पुणेकरांना पाणीकपातीला सामोरे जावे लागणार आहे. पर्वती आणि भामा आसखेड पाईपलाईनवरील आवश्यक दुरुस्ती व देखभाल कामांमुळे पुणे महानगरपालिकेने (PMC) शहरातील अनेक भागांमध्ये संपूर्ण पाणीपुरवठा बंद ठेवण्याची घोषणा केली आहे. शुक्रवारी (३१ ऑक्टोबर) कमी दाबाने आणि विलंबाने पाणीपुरवठा सुरू होण्याची शक्यता असल्याचे जलपुरवठा विभागाने सांगितले. लष्कर वॉटर स्टेशनला पर्वती वॉटर वर्क्समधून पुरवठा करणाऱ्या मुख्य पाईपलाईनमध्ये गळती दुरुस्ती आणि भामा आसखेड प्रकल्प लाईनवरील देखभाल कामे होणार आहेत.
लष्कर जलपुरवठा विभागाचे अधीक्षक अभियंता वीरेंद्र केळकर यांनी सांगितलं की, ‘या दुरुस्ती भविष्यातील गळती रोखण्यासाठी आणि पाण्याचा दाब संतुलित ठेवण्यासाठी अत्यंत महत्त्वाच्या आहेत. नागरिकांनी गुरुवारी पाण्याचा वापर नियोजनपूर्वक करावा.’
लष्कर वॉटर वर्क्स अंतर्गत बाधित क्षेत्रे
संपूर्ण रामटेकडी औद्योगिक परिसर, सय्यदनगर, हेवन पार्क, शंकर मठ, वैदू वाडी, राम नगर, आनंद नगर, हडपसर गावठाण, सातव वाडी, गोंधळेनगर, ससाणेनगर, काळेपडळ, मुंढवा, माळवाडी, सोलापूर रोड, बीटी कवडे रोड, मोहम्मदनगर, भीमनगर, पार्कींग रोड, भीमनगर, उजवीकडे कोठेगाव रोड, कोठेगाव रोड, गडगड, गोंधळेनगर, ससाणेनगर. फुरसुंगी, उरुळी देवाची प्रभावित होणार आहे. याशिवाय फुरसुंगी आणि उरुळी देवाचीला टँकरने होणारा पाणीपुरवठाही थांबवण्यात येणार आहे.
हेही वाचा – ATS ची मोठी कारवाई! पुणे स्थानकावर संशयित दहशतवाद्याला अटक
नगर रोड वॉटर वर्क्स अंतर्गत बाधित झालेले क्षेत्र
संपूर्ण खराडी परिसर ज्यामध्ये आपळे घर, भणगाई वस्ती, चौधरी वस्ती, एकनाथ पठारे नगर, सातव वस्ती, थिटे वस्ती, चंदन नगर, बोराटे नगर, यशवंत नगर, तुकाराम नगर, वडगाव शेरी, गणेश नगर, आनंद पार्क, राजश्रीनगर कॉलनी, महावीरनगर, महावीरनगर
भामा आसखेड योजनेत बाधित झालेले क्षेत्र
शेजवळ पार्क, विडी कामगार वस्ती, साईनाथ नगर, वाढेश्वर नगर, मारुती नगर, घरकुल सोसायटी, टेम्पो चौक, पोटे नगर, विद्या नगर, आणि मुरलीधर सोसायटी या भागात दिवसभर शुकशुकाट राहील. दरम्यान, पुणे महानगरपालिकेने नागरिकांना गुरुवारी पाणी साठवून ठेवण्याचे आणि पाणीपुरवठा सुरळीत होईपर्यंत संयम बाळगण्याचे आवाहन केले आहे.
