Accident News : अमरावती येथील बेलोरा विमानतळ परिसरात मध्यरात्री भीषण अपघात घडला. भरधाव कार आणि दुचाकीची जोरदार धडक होऊन तिघांचा जागीच मृत्यू झाला, तर तिघेजण गंभीर जखमी झाले आहेत.
जखमींना तातडीने रुग्णालयात दाखल करण्यात आले असून पोलिसांनी घटनास्थळी धाव घेत तपास सुरू केला आहे. या अपघातात दोन्ही वाहनांचे मोठे नुकसान झाले असून अपघाताचे नेमके कारण अद्याप स्पष्ट झालेले नाही.
दरम्यान, पुणे शहरातही एक दुर्दैवी अपघात घडला. कोंढवा परिसरात टँकरने दुचाकीला पाठीमागून जोरदार धडक दिल्याने १९ वर्षीय राष्ट्रीय फुटबॉलपटू आरिफ शेख याचा मृत्यू झाला.
महमदवाडी हद्दीतील क्लाऊड नाइन परिसरात सायंकाळी सुमारे ५ वाजता हा अपघात झाला. धडक इतकी तीव्र होती की आरिफ शेख दुचाकीवरून खाली पडला आणि टँकरच्या चाकाखाली आल्याने त्याचा जागीच मृत्यू झाला.
या दोन्ही घटनांमुळे राज्यात हळहळ व्यक्त केली जात असून मृतांच्या कुटुंबियांवर दुःखाचा डोंगर कोसळला आहे.
