नागपूर: नागपुर शहरात झालेल्या हिंसाचाराच्या प्रकरणात एक मोठी बातमी समोर येत आहे. दंगेखोरांकडून केलेल्या दगडफेक आणि जाळपोळीच्या घटनेत जखमी झालेल्या एका व्यक्तीचा मृत्यू झाला आहे. ईरफान अन्सारी असे या मृत व्यक्तीचे नाव आहे. ईरफान अन्सारी यांच्यावर शहरातील मेयो रुग्णालयात उपचार सुरु होते. सोमवारी (दि. 17) झालेल्या हिंसाचारात ते गंभीर जखमी झाले होते. अखेर उपचारादरम्यान मेयो रुग्णालयात त्यांनी प्राण सोडला आहे. यामुळे नागपूर हिंसाचाराचा अन्सारी हे पहिला बळी ठरले आहेत.
नागपरमध्ये सोमवारी(17 मार्च) विश्व हिंदू परिषद आणि बजरंग दलाच्या आंदोलनानंतर मोठा हिंसाचार झाला होता. दोन गटांतील राड्यानंतर शहरात मोठी तोडफोड तसेच जाळपोळ झाल्याचे पाहायला मिळाले. यामध्ये पोलिसांसह नागरिकही जखमी झाले आहेत. एका घराचे देखील नुकसान झाले आहे. तसेच 60 वाहनांची देखील तोडफोड करण्यात आली आहे. प्राथमिक सर्वेक्षणात 20 दुचाकी आणि 40 चारचाकीच गाड्यांचे नुकसान झाले आहे. तर दोन क्रेन जाळण्यात आल्या आहेत. क्रेन जाळण्यात आल्याने सुमारे 70 लाख रुपयांचे नुकसान झाल्याचा दावा कंस्ट्रक्शन कंपनीने केला आहे.
