India vs South Africa Women’s World Cup 2025 Live Scorecard Updates: आयसीसी महिला वनडे वर्ल्डकप 2025 स्पर्धेतील अंतिम सामना भारत आणि दक्षिण आफ्रिका या दोन्ही संघांमध्ये सुरू आहे. दक्षिण आफ्रिकेने पहिल्या सेमीफायनल सामन्यात इंग्लंडला पराभूत करून अंतिम फेरीत प्रवेश केला आहे. दुसरीकडे भारतीय संघाने बलाढ्य ऑस्ट्रेलियाला पराभूत करून अंतिम फेरीत प्रवेश केला. विशेष म्हणजे दोन्ही संघ पहिल्यांदाच अंतिम फेरीत भिडणार आहेत. दोन्ही संघांना एकदाही जेतेपदाची ट्रॉफी जिंकता आलेली नाही. त्यामुळे जो संघ जिंकेल, त्या संघाकडे इतिहास रचण्याची संधी असणार आहे.
पाऊसाने सामन्यात व्यत्यत
मुंबईत पाऊस सुरू असल्याने सामना थांबला असून लवकरच सामन्याला सुरूवात होऊ शकते. पाऊस थांबल्यास कव्हर्स काढले जातील. टॉस अजूनही झालेला नाही.
सामना किती वाजता सुरू होऊ शकतो?
सामना टॉसनंतर होणार आहे. पाऊस थांबल्यास टॉस होईल. आधी सामना 3 वाजता होणार होता. मात्र, आता 3.30 वाजले तरीही सामना सुरू झालेला नाही. सामना सुरू होण्यास आणखी उशीर होऊ शकतो.
फायनल रद्द झाल्यास विजेता कसा मिळणार?
जर भारत आणि दक्षिण आफ्रिका यांच्यातील महिला विश्वचषकाचा अंतिम सामना पावसामुळे रद्द झाला, तर दोन्ही संघांना संयुक्त विजेता घोषित केले जाईल. पण दोन्ही संघांसाठी ही बातमी चांगली नसणार आहे, कारण दोन्ही संघांपैकी कधीही महिला एकदिवसीय विश्वचषकाचं जेतेपद पटकावलेलं नाही. दक्षिण आफ्रिका प्रथमच अंतिम फेरीत पोहोचली आहे, तर भारताने यापूर्वी दोन वेळा अंतिम फेरी गाठली होती, पण दोन्ही वेळा पराभव स्वीकारावा लागला.
