नवी दिल्ली : सध्या अनेक मोबाईल नेटवर्क कंपन्या सेवा देत आहेत. त्यात भारती एअरटेलने प्रीपेड रिचार्ज प्लॅनची किंमत वाढवली आहे. पूर्वी ४००० किंमत होती, आता ती वाढवून ४९९९ केली आहे. हा एक आंतरराष्ट्रीय पॅक आहे. नवीन किंमत अधिकृत पोर्टलवर लिस्टेड आहे. ही माहिती टेलिकॉमटॉक वेबसाईटवरून मिळवण्यात आली आहे.
२०२६ मध्ये ही पहिलीच दरवाढ आहे. कंपनीने ४९९९ रिचार्ज प्लॅनची किंमत अंदाजे २५% ने वाढवली आहे. एअरटेलने गेल्या वर्षी एप्रिलमध्ये ४००० रिचार्ज प्लॅन लाँच केला होता, जो असंख्य फायदे देतो. हा प्रीपेड इंटरनॅशनल रोमिंग पॅक आहे. हे रिचार्ज परदेशात जास्त काळ घालवणाऱ्या युजरसाठी उपयुक्त आहे. देशात असताना, त्यांना अजूनही अमर्यादित कॉलिंग आणि १.५GB डेली डेटा असे अनेक फायदे मिळतात.
एअरटेलचा ४९९९ रुपयांच्या रिचार्ज पॅकची वैधता ३६५ दिवसांची असणार आहे आणि त्यात आंतरराष्ट्रीय रोमिंगमध्ये १०० मिनिटे आउटगोइंग आणि इनकमिंग कॉल्सचा समावेश असणार आहे. एअरटेलच्या या रिचार्जमध्ये आंतरराष्ट्रीय रोमिंगमध्ये परदेशात ५GB डेटा आणि १०० आउटगोइंग SMS मिळत आहेत.
रोमिंगसह अनलिमिटेड कॉलिंगही मिळणार
एअरटेलच्या या प्लॅनमध्ये भारतात असंख्य फायदे मिळतात. त्यात रोमिंगसह अमर्यादित कॉलिंगचा समावेश आहे. भारतीय हद्दीत असताना, या प्रीपेड प्लॅनमध्ये दररोज १.५GB हाय-स्पीड इंटरनेट डेटा आणि दररोज १०० SMS मेसेज मिळतात.
