नवी दिल्ली : सध्या अनेक टेक्नॉलॉजी समोर येत आहे. त्यात स्मार्ट ग्लासेसमधील स्पर्धा तीव्र होत आहे. मेटा या क्षेत्रात सर्वात मोठी कंपनी राहिली आहे. मात्र, यावर्षी कंपनीला तगडं आव्हान मिळण्याची शक्यता आहे. Apple यावर्षी आपले पहिले एआय स्मार्ट ग्लासेस लाँच करण्याची शक्यता आहे.
गुगलने लक्झरी फॅशन हाऊस GUCCI सोबत भागीदारी केली आहे. या करारानुसार, दोन्ही कंपन्या संयुक्तपणे प्रीमियम अँड्रॉइड एक्सआर-आधारित स्मार्ट ग्लासेस विकसित करतील. Google ला आपले स्मार्ट ग्लासेस केवळ टेक गॅझेट्स न वाटता, रोजच्या वापरातील फॅशन उपकरणांसारखे वाटावेत असे डिझाइन करायचे आहे. त्यामुळे, या ग्लासेसमध्ये स्टायलिश फ्रेम्स आणि उत्कृष्ट फिनिशिंग असेल असा विश्वास आहे. काही वर्षांपूर्वी ॲपलने सुरू केलेला एक ट्रेंड जोर धरत आहे. या टेक जायंटने आपल्या प्रीमियम ॲपल वॉचच्या विशेष व्हर्जनसाठी हर्मेससोबत भागीदारी केली.
आता, इतर कंपन्याही त्यांची कॉपी करत आहेत आणि आपल्या गॅजेट्सना लाइफस्टाइल ॲक्सेसरीजमध्ये रूपांतरित करण्याचा प्रयत्न करत आहेत. या शर्यतीत पुढे राहण्यासाठी ॲपल प्राडासोबत हातमिळवणी करू शकते, अशी अटकळ बांधली जात आहे.
