नवी दिल्ली : युरोपियन युनियनमधील कंझ्युमर ग्रुपने गुगल, मेटा आणि टिकटॉकविरुद्ध तक्रार दाखल केली आहे. हे प्लॅटफॉर्म आपल्या युजर्संना आर्थिक घोटाळे आणि बनावट जाहिरातींपासून वाचवण्यात अपयशी ठरले आहेत. ही तक्रार डिजिटल सर्व्हिसेस ॲक्ट (DSA) अंतर्गत दाखल करण्यात आली आहे, ज्यानुसार प्रमुख तंत्रज्ञान कंपन्यांना हानिकारक आणि बेकायदेशीर सामग्रीविरुद्ध कठोर कारवाई करणे आवश्यक आहे.
जर उल्लंघन सिद्ध झाले, तर या कंपन्यांना त्यांच्या जागतिक वार्षिक महसुलाच्या ६% पर्यंत दंड होऊ शकतो. तंत्रज्ञान क्षेत्रातील दिग्गज कंपन्या गुगल, मेटा आणि टिकटॉक यांचा मार्ग आता कठीण दिसत आहे. युरोपियन युनियनमधील (EU) ग्राहक गटांनी या कंपन्यांवर गंभीर आरोप केले आहेत की, त्या त्यांच्या प्लॅटफॉर्मचा वापर करणाऱ्या युजर्संना आर्थिक फसवणुकीपासून वाचवण्यात पूर्णपणे अपयशी ठरल्या आहेत. कायदेशीर चौकशीदरम्यान हे आरोप खरे ठरल्यास, त्यांना मोठा दंड भरावा लागू शकतो.
संपूर्ण प्रकरण काय आहे?
डिजिटल सेवा कायदा (DSA) या संपूर्ण समस्येच्या केंद्रस्थानी आहे. युरोपियन ग्राहक गटांनी (BeuC) युरोपियन आयोगाकडे एक औपचारिक तक्रार दाखल केली आहे, ज्यात असा आरोप आहे की, गूगल, मेटा आणि टिकटॉकसारखे प्रमुख प्लॅटफॉर्म त्यांच्या वापरकर्त्यांना आर्थिक नुकसान करणाऱ्या फसव्या जाहिरातींपासून संरक्षण देण्यात पूर्णपणे अपयशी ठरले आहेत.
