नवी दिल्ली : सध्या अनेक मोबाईल नेटवर्क कंपन्या आहेत. त्यात रिलायन्स जिओने एका नवीन सेवेची घोषणा केली आहे, ज्यामुळे ग्राहकांना आंतरराष्ट्रीय रोमिंग करतानाही फायदा होईल. परदेशात रोमिंग करताना ग्राहकांना वाय-फायशी कनेक्ट असताना SMS मिळवता येऊ शकेल. ज्यामुळे महत्त्वाचे SMS मिळवणे सोपे होईल. यामुळे वेगळ्या आंतरराष्ट्रीय रोमिंग पॅक रिचार्जची गरज नाहीशी होते.
रिलायन्स जिओची ही सेवा मिळवणे सोपे आहे. ग्राहकांना फक्त आंतरराष्ट्रीय प्रवासादरम्यान आपला हँडसेट कोणत्याही वाय-फाय नेटवर्कशी कनेक्ट करायचा आहे. ग्राहकांनी काही अटी पूर्ण करणे आवश्यक आहे. त्यांच्याकडे अॅक्टिव्ह जिओ डोमेस्टिक रिचार्ज, एक स्थिर वाय-फाय कनेक्शन असणे आवश्यक आहे आणि त्यांच्या स्मार्टफोनमध्ये VoWiFi चे समर्थन असणे आवश्यक आहे. त्यानंतर, ग्राहकांनी त्यांच्या मोबाईलच्या सेटिंग्जमध्ये जाऊन वाय-फाय कॉलिंग (VoWiFi) करणे आवश्यक आहे. WiFi शी कनेक्ट असताना प्राप्त झालेले SMS कोणत्याही अतिरिक्त शुल्काशिवाय मिळतील.
मोफत इन्कमिंग SMS मुळे ग्राहकांना अनेक फायदे मिळतील. ग्राहकांना आंतरराष्ट्रीय प्रवासादरम्यान संवेदनशील तपशील मिळवू शकतील. यामध्ये बँक ओटीपी, व्यवहाराच्या सूचना, सेवा आणि व्हेरिफिकेशन एसएमएस मिळवणे समाविष्ट आहे. जिओ ही भारतातील एक लोकप्रिय दूरसंचार कंपनी आहे. तिच्या परवडणाऱ्या रिचार्ज प्लान्समुळे लोकप्रिय ठरत आहे.
