नवी दिल्ली : सध्या अनेक स्मार्टफोन लाँच केले जात आहेत. त्यात iPhone Air लाँच झाला आहे. लाँच होण्यापूर्वीच या स्मार्टफोनच्या डिझाईनची चर्चा सुरू झाली होती. हा फोन अल्ट्रा स्लिम असून, ज्याची जाडी फक्त ५.५ मिमी आहे. मार्केटमध्ये तुम्हाला इतर अनेक पर्याय देखील मिळतील, जे आयफोन एअरसारख्या डिझाईनसह येतात. अशाच प्रकारे एका फोनची माहिती आम्ही तुम्हाला देणार आहोत.
टेकनोने अलीकडेच पोवा स्लिम 5G लाँच केला आहे. हा स्मार्टफोन ५.९५ मिमी जाड आहे आणि १५६ ग्रॅम वजनाचा आहे. हा स्मार्टफोन आयफोन एअरपेक्षा सुमारे एक लाख रुपये स्वस्त आहे. टेकनो पोवा स्लिम 5G मध्ये ६.७८-इंच १.५ K ३D वक्र एमोलेड डिस्प्ले आहे, जो १४४ हर्ट्झ रिफ्रेश रेटला सपोर्ट करतो. स्क्रीन प्रोटेक्शनसाठी कॉर्निंग गोरिल्ला ग्लास ७आय देण्यात आला आहे. हँडसेट MIL-STD ८१०H सर्टिफिकेशनसह येतो.
हा स्मार्टफोन मीडियाटेक डायमेन्सिटी ६४०० प्रोसेसरसह येतो. यात 8GB RAM आणि 128GB स्टोरेज मिळणार आहे. फोनमध्ये ड्युअल रिअर कॅमेरा सेटअप आहे, ज्याचा मुख्य लेन्स ५० एमपी आहे. फोनचा सेकंडरी लेन्स २ एमपी आहे. कंपनीने फ्रंटला १३ एमपी सेल्फी कॅमेरा दिला आहे.
