नवी दिल्ली : वाढत्या सायबर गुन्हेगारीला आणि संमतीशिवाय खाजगी फोटोंच्या (NCII) गैरवापरावर कडक पावले उचलली जात आहे. तंत्रज्ञानाचा वापर केला जात आहे. सरकारच्या पाठिंब्याने चालवलेल्या जनजागृती मोहिमांअंतर्गत, आता कोणीही आपली ओळख उघड न करता किंवा फोटो अपलोड न करता आपले खाजगी फोटो इंटरनेटवरून काढून टाकू शकतो.
डिजिटल सुरक्षा मजबूत करण्यासाठी सरकारने (I4C, MHA) नवीन माहिती दिली आहे. StopNCII.org च्या माध्यमातून, पीडित व्यक्ती त्यांचे मॉर्फ केलेले किंवा लीक झालेले फोटो डिजिटल हॅशमध्ये रूपांतरित करून त्यांना सोशल मीडिया प्लॅटफॉर्मवर ब्लॉक करू शकतात. ही प्रक्रिया पूर्णपणे गोपनीय आहे आणि यासाठी मूळ फोटो कुठेही अपलोड करण्याची आवश्यकता नाही.
सायबर गुन्हेगारीच्या वाढत्या घटनांच्या पार्श्वभूमीवर, भारतीय सायबर गुन्हे समन्वय केंद्र (I4C) नागरिकांना सुरक्षित राहण्याच्या मार्गांबद्दल सतत सल्ला देत आहे. सार्वजनिक बदनामीच्या भीतीमुळे किंवा गोपनीयतेच्या चिंतेमुळे कोणताही पीडित तक्रार दाखल करण्यास कचरू नये, हे सुनिश्चित करणे सरकारचे उद्दिष्ट आहे. त्यामुळे, फोटो शेअर न करता ब्लॉक करण्याची परवानगी देणाऱ्या तंत्रज्ञानाला प्रोत्साहन दिले जात आहे.
डिजिटल फिंगरप्रिंट टेक्नॉलॉजी
ही प्रणाली फोटो स्कॅन करते आणि एक कोड (हॅश) तयार करते. हा कोड एक प्रकारचा डिजिटल फिंगरप्रिंट आहे. जेव्हा हा कोड फेसबुक, इन्स्टाग्राम किंवा इतर भागीदार साइट्सवर पाठवला जातो, तेव्हा त्यांचे अल्गोरिदम फोटो ओळखतात. भविष्यात कोणीही तो फोटो पुन्हा अपलोड करू शकणार नाही.
