मुंबई : अभिनेत्री रवीना टंडनची मुलगी राशा थडानी हिची सध्या सर्वत्र चर्चा आहे. राशा आणि अभय वर्मा यांचा फोटो सोशल मीडियावर धुमाकूळ घालत आहे. त्यांच्या आगामी ‘लाइकी लाईका’ या चित्रपटाचे धमाकेदार पोस्टर रिलीज झाले आहे. फोटोमध्ये, राशा आणि अभय त्यांच्या सहज आणि हृदयस्पर्शी केमिस्ट्रीने सर्वांचे लक्ष वेधून घेत आहे.
राशा थडानीने तिच्या इन्स्टाग्राम हँडलवर तिच्या आगामी ‘लाइकी लाईका’ या चित्रपटाचे पोस्टर शेअर केले. तिच्या पहिल्या चित्रपटाच्या अपयशानंतर, अभिनेत्री मोठ्या पडद्यावर परतण्यास सज्ज आहे. चित्रपटात तिच्यासोबत अभय वर्मा मुख्य अभिनेता म्हणून दिसणार आहे. पोस्टरमध्ये, राशा आणि अभय प्रेमात हरवलेले दिसत आहेत. पहिल्या फोटोमध्ये, ते लिप-लॉक करताना दिसत आहेत. दुसऱ्या फोटोमध्ये, ते त्यांच्या हातांनी हार्ट सिम्बॉल बनवताना दिसत आहेत. एका फोटोमध्ये, अभय राशाला जवळून धरून पाहत आहे.
चित्रपटाच्या पोस्टरच्या कॅप्शनमध्ये लिहिले आहे, ‘प्रेम. वेदना. विश्वास’. ‘लाइकी लाईकी’चे पोस्टर रहस्यांनी भरलेले दिसते. मुख्य कलाकारांचे चेहरे रक्ताने माखलेल्याचे फोटोमध्ये दिसत आहेत. पोस्टरवरून असे दिसते की, हा चित्रपट रोमान्स आणि अॅक्शनने भरलेला असेल.
