पुणे : तुम्ही देखील नोकरीच्या शोधात आहात? तर तुमच्यासाठी ही आनंदाची बातमी असणार आहे. कारण, पुण्यातील एका शासकीय विभागात नोकरीची संधी उपलब्ध झाली आहे. यामध्ये काही रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे. या भरती प्रक्रियेंतर्गत तुम्हाला अर्ज करता येणार आहे.
इंडियन इन्स्टिट्यूट ऑफ सायन्स एज्युकेशन अँड रिसर्च, पुणे येथे कार्यक्रम सहयोगी, प्रकल्प सहाय्यक – ग्राफिक्स/ॲनिमेशन, प्रकल्प सहाय्यक – व्हिज्युअल डिझाइन या पदांसाठी भरती प्रक्रिया सुरु होत आहे. यामध्ये निवड झालेल्या उमेदवाराला पुणे येथे जाऊन नोकरी करावी लागणार आहे. या प्रक्रियेंतर्गत तीन रिक्त पदे भरली जाणार आहेत. यासाठी ३० मार्च २०२६ रोजी मुलाखत द्यावी लागणार आहे. सदर मुलाखत ही अतिथीगृह, भारतीय विज्ञान शिक्षण आणि संशोधन संस्था, पुणे आवार येथे घेतली जाणार आहे.
यामध्ये निवड झालेल्या उमेदवाराला 60000 रुपयांपर्यंत पगार मिळू शकणार आहे. या भरती प्रक्रियेबाबत अधिक माहितीसाठी http://www.iiserpune.ac.in/ या अधिकृत वेबसाईटवरून माहिती घेता येणार आहे.
