नवी दिल्ली : सध्या अनेक टेक्नॉलॉजी समोर येत आहे. त्यात एआय (AI) मध्ये मागे राहिलेली Apple कंपनी आता महत्त्वपूर्ण तयारी करत आहे. Apple अनेक नवीन एआय फीचर्सवर काम करत आहे, जे आयफोनला त्याच्या सभोवतालची परिस्थिती अधिक चांगल्याप्रकारे समजून घेण्यास मदत करतील.
मीडिया रिपोर्ट्सनुसार, Apple iOS 27 मध्ये अनेक एआय फीचर्स दिले जाणार आहेत. यामध्ये किमान चार एआय टूल्सचा समावेश असेल, जे सिस्टम ॲप्समध्ये काम करतील. या अपडेटमधील व्हिज्युअल इंटेलिजन्स फीचर केवळ वस्तू ओळखणार नाही, तर त्यांना स्कॅन करून त्यांच्याबद्दल संपूर्ण माहिती देखील देईल. व्हिज्युअल इंटेलिजन्समुळे इतर अनेक कामे सोपी होणार असल्याचे सांगण्यात आले आहे.
या नव्या टेक्नॉलॉजीच्या माध्यमातून युजर्स छापलेले फोन नंबर आणि पत्ते स्कॅन करून ते थेट कॉन्टॅक्ट्समध्ये सेव्ह करू शकतील. हे खाद्यपदार्थांशी संबंधित आरोग्यविषयक माहिती देखील देऊ शकेल, ज्यामुळे युजर्सना हेल्थ ॲपमध्ये अधिक चांगली माहिती मिळेल. कंपनी ऍपल वॉलेटला देखील अपग्रेड करेल.
आगामी अपडेटसह, ते फिजिकल तिकिटे आणि जिम कार्ड्ससारख्या गोष्टी स्कॅन करण्यासाठी आणि डिजिटल स्वरूपात सेव्ह करण्यासाठी एआयचा (AI) वापर करेल. यामुळे फिजिकल तिकिटे किंवा पास सोबत बाळगण्याची गरज नाहीशी होईल.
