मुंबई : सध्या बॉक्स ऑफिसवर अनेक सिनेमे रिलीज होत आहे. त्यात ‘भूत बंगला’ बॉक्स ऑफिसवर आपले वर्चस्व कायम ठेवत आहे. या चित्रपटाने अवघ्या १० दिवसांत अनेक विक्रम मोडले आहेत आणि ११ व्या दिवशीही उत्कृष्ट कामगिरी केली आहे. चाहते चित्रपटावर प्रचंड प्रेमाचा वर्षाव करत आहेत.
‘भूत बंगला’ चित्रपटाने ११ व्या दिवशी ३.६५ कोटींची कमाई केली. चित्रपटाचे ८७५५ शो झाले आणि ११% प्रेक्षक उपस्थिती नोंदवली गेली. चित्रपटाच्या ११ व्या दिवसाच्या कमाईचे अधिकृत आकडे अद्याप उपलब्ध नाहीत. मात्र, जर चित्रपटाने ११ व्या दिवशी ३.६५ कोटींची कमाई केली, तर चित्रपटाची एकूण कमाई ११७.०५ कोटींपर्यंत पोहोचेल. हा चित्रपट १२० कोटींच्या बजेटमध्ये बनवला गेला होता. त्याची एकूण कमाई ११७.०५ कोटींवर पोहोचली आहे. त्यामुळे ज्या गतीने तो कमाई करत आहे, त्या दराने तो मंगळवारी आपले बजेट पूर्णपणे वसूल करेल.
‘भूत बंगला’ची कमाई नेमकी किती?
चित्रपटाने पेड प्रिव्ह्यूमध्ये ३.७५ कोटी जमा केले आणि १२.२५ कोटींची दमदार ओपनिंग केली. अक्षयच्या चित्रपटाने दुसऱ्या दिवशी १९ कोटी जमा केले. तिसऱ्या दिवशी, चित्रपटाला रविवारच्या यशाचा फायदा झाला आणि त्याने २३ कोटी रुपये कमावले. चौथ्या दिवशी चित्रपटाने ६.७५ कोटी रुपये कमावले. पाचव्या दिवशी चित्रपटाने ८ कोटी रुपये कमावले. सहाव्या दिवशी ६.१५ कोटींची कमाई केली.
