मुंबई : मायकल जॅक्सनचा बायोपिक ‘मायकल’ बॉक्स ऑफिसवर चांगलाच धमाल करत आहे. हा चित्रपट या वर्षातील आतापर्यंतचा सर्वाधिक कमाई करणारा चित्रपट बनण्याच्या मार्गावर आहे. चित्रपटाने शानदार ओपनिंग केली असून, जगभरात २१७ दशलक्ष डॉलर्सची कमाई केली आहे. आता या चित्रपटाने उत्तर अमेरिकेत १०० दशलक्ष डॉलर्सचा टप्पा ओलांडला आहे.
‘मायकल’चे चित्रपट अवघ्या चार दिवसांत या वर्षातील सहावा सर्वाधिक कमाई करणारा चित्रपट ठरला आहे. या चित्रपटाने २२६ दशलक्ष डॉलर्सची कमाई करत ‘धुरंधर २’च्या लाईफटाईम कलेक्शनला मागे टाकले आहे. ‘धुरंधर २’ने आतापर्यंत एकूण १८९ दशलक्ष डॉलर्सची कमाई केली आहे. यासह, या चित्रपटाने ‘स्क्रीम ७’ (२१४ दशलक्ष डॉलर्स) आणि ‘ब्लेड्स ऑफ द गार्डियन्स’ (२०२ दशलक्ष डॉलर्स) यांसारख्या हॉलिवूड ब्लॉकबस्टर हिट चित्रपटांना मागे टाकले आहे. निर्मात्यांच्या मते, चित्रपटाने पेड प्रिव्ह्यूमधून १३ दशलक्ष डॉलर्सपेक्षा जास्त कमाई केली आहे. ओपनिंग वीकेंडमध्ये, चित्रपटाने अमेरिका आणि कॅनडामध्ये ९७ दशलक्ष डॉलर्सची कमाई केली.
ओपनिंग वीकेंड कलेक्शनच्या बाबतीत ‘मायकल’ने ‘ओपेनहायमर’ आणि ‘बोहेमियन रॅप्सोडी’ला मागे टाकले, हे दोन्ही चित्रपट ८० दशलक्ष डॉलर्सचा टप्पा ओलांडण्यात अयशस्वी ठरले होते. ‘मायकल’ हा विक्रम प्रस्थापित करू शकतो. चित्रपटाने ७.६७ दशलक्ष डॉलर्सची कमाई केली. चित्रपटाने उत्तर अमेरिकेत पहिल्या चार दिवसांत १२२ दशलक्ष डॉलर्सची कमाई केली. चार दिवसांनंतर, चित्रपटाची जागतिक बॉक्स ऑफिस एकूण कमाई २२६ दशलक्ष डॉलर्सवर पोहोचली.
