D K Rao Arrested: मुंबईतून मोठी बातमी समोर येत आहे. अंडरवर्ल्ड डॉन छोटा राजनचा जवळचा सहकारी कुख्यात गुंड रवी मल्लेश बोऱ्हा उर्फ डी.के. राव याला मुंबई गुन्हे शाखेच्या पथकाने पुन्हा एकदा अटक केली आहे. डी.के. रावला कोर्टाच्या परिसरातून अटक केल्याचा व्हिडीओ सध्या सोशल मीडियावर व्हायरल होत आहे. आज त्याला कोर्टात हजर करण्यात येणार आहे.
हेही वाचा – Nilesh Ghaywal : निलेश घायवळच्या वकिलांचा कोर्टात मोठा दावा; अटक टाळण्यासाठी धडपड
प्राप्त माहितीनुसार, हे प्रकरण मागील वर्षीचे आहे. परंतु तक्रारदाराने अलीकडेच तक्रार दिल्यामुळे रावला अटक करण्यात आली. आरोपीने गुंतवणूकदारांकडून पैसे घेतले, मात्र प्रकल्प पूर्ण केला नाही. पैसे मागितल्यावर, डी.के. रावचा वापर करून गुंतवणूकदारांना धमकावण्याचा प्रयत्न करण्यात आला, असा आरोप पोलिसांनी केला आहे. धारावीचा रहिवासी डी.के. राव 1990 च्या दशकात किरकोळ चोरी आणि लूटमार करत होता. त्यानंतर तो गुन्हेगारी क्षेत्रात प्रवेश केला आणि छोटा राजन टोळीशी संपर्क जोडला. 1990 ते 2000 या काळात मुंबईतील जबरी वसाहती, खंडणी, मालमत्तावरील वाद यामध्ये त्याचे नाव वारंवार समोर आले.
हेही वाचा – ED ची अनिल अंबानींवर कारवाई! रिलायन्स पॉवरचे CFO अशोक पाल यांना अटक
स्वतंत्र नेटवर्क आणि गुन्हेगारी नोंदी
यानंतर डी.के. रावने स्वतःचे स्वतंत्र नेटवर्क तयार केले, तरी छोटा राजनप्रती निष्ठा कायम ठेवली. पोलीस नोंदींनुसार, त्याच्यावर एकूण 42 गुन्हे दाखल आहेत, ज्यात सहा खून, पाच दरोडे, आणि अनेक खंडणी प्रकरणे समाविष्ट आहेत.
