पुणे : बँकेत नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, सांगली अर्बन को-ऑपरेटिव्ह बँक येथे नोकरीची संधी उपलब्ध झाली आहे. यामध्ये अनेक रिक्त पदांवर भरती केली जात आहे. निवड झालेल्या उमेदवाराला पगारही चांगला मिळू शकतो.
सांगली अर्बन को-ऑपरेटिव्ह बँक लिमिटेड येथे लिपिक या पदांसाठी भरती प्रक्रिया सुरु होत आहे. यासाठी ऑनलाईन पद्धतीने अर्ज करता येणार आहे. यामध्ये निवड झालेल्या उमेदवाराला परभणी, बीड, जालना, लातूर, हिंगोली आणि सोलापूर यापैकी कुठंही जाऊन नोकरी करावी लागणार आहे. या प्रक्रियेंतर्गत 15 रिक्त पदे भरली जाणार आहेत. संबंधित उमेदवाराची निवड ही परीक्षा, मुलाखतीच्या माध्यमातून केली जाणार आहे.
अशी असेल भरती प्रक्रिया…
– पदाचे नाव : लिपीक.
– एकूण रिक्त पदे : 15 पदे
– नोकरीचे ठिकाण : परभणी, बीड, जालना, लातूर, हिंगोली आणि सोलापूर.
– वयोमर्यादा : २२ ते २७ वर्षे.
– अर्ज करण्याची पद्धत : ऑनलाईन.
– अर्ज शुल्क : १०००/- (जीएसटीसह).
– अर्ज करण्याची शेवटची तारीख : ५ जानेवारी २०२६.
– या भरती प्रक्रियेबाबत अधिक माहितीसाठी www.sangliurbanbank.in
अधिकृत वेबसाईटवरून माहिती घेता येणार आहे.
