पुणे : चांगली नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, आघारकर संशोधन संस्था, पुणे येथे रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे.
आघारकर संशोधन संस्था, पुणे येथे प्रकल्प सहाय्यक या पदासाठी भरती प्रक्रिया सुरु होत आहे. यामध्ये निवड झालेल्या उमेदवाराला पुणे येथे जाऊन नोकरी करावी लागणार आहे. तसेच 20000 रुपयांपर्यंत पगार मिळणार आहे. या प्रक्रियेंतर्गत एक रिक्त पद भरले जाणार आहे. संबंधित उमेदवाराची निवड ही मुलाखतीच्या माध्यमातून केली जाणार आहे.
या भरती प्रक्रियेंतर्गत ऑनलाईन पद्धतीने अर्ज करता येणार आहे. अर्ज करण्याची शेवटची तारीख ही 29 ऑगस्ट 2025 ही असणार आहे. यासाठी वयोमर्यादाही निश्चित करण्यात आली आहे. 50 वर्षांपर्यंत कोणताही उमेदवार अर्ज करू शकतो. या भरती प्रक्रियेबाबत अधिक माहितीसाठी http://aripune.org/ अधिकृत वेबसाईटवरून माहिती घेता येणार आहे.
