पुणे : महाराष्ट्र राज्य माध्यमिक व उच्च माध्यमिक शिक्षण मंडळातर्फे (राज्य मंडळ) घेण्यात आलेल्या दहावीच्या परीक्षेचा निकाल मंगळवारी (१३ मे) जाहीर करण्यात येणार आहे. यावर्षी दहावीची परीक्षा दरवर्षीच्या तुलनेत लवकर घेण्यात आली होती. त्यामुळे विद्यार्थ्यांसह पालकांचे निकालाच्या तारखेकडे लक्ष लागले होते.
महाराष्ट्र राज्य माध्यमिक व उच्च माध्यमिक शिक्षण मंडळाचे सचिव देविदास कुलाळ यांनी प्रसिद्धिपत्रकाद्वारे ही माहिती दिली. महाराष्ट्रातील सुमारे १५ लाखांहून अधिक विद्यार्थ्यांनी दहावीची परीक्षा दिली आहे. तसेच यंदा परीक्षेदरम्यान कॉपीमुक्त अभियानाची जोरदार अंमलबजावणी करण्यात आली. त्यामुळे कॉपी करण्याच्या प्रकरणांमध्ये घट झाली आहे. तसेच यंदा बारावीच्या परीक्षेचा निकाल दीड टक्क्याने घटला आहे. त्यामुळे दहावीचा निकाल वाढणार की घटणार? याकडे विद्यार्थी आणि पालकांचे पालकांचे लक्ष लागले आहे.
कधी आणि कसा पाहणार निकाल?
दुपारी एक वाजल्यापासून दहावीची परीक्षा दिलेल्या विद्यार्थ्यांना महाराष्ट्र राज्य माध्यमिक आणि उच्च माध्यमिक शिक्षण मंडळाच्या वेबसाईटवर लॉगिन करून आपला निकाल पाहता येणार आहे. mahresult.nic.in, sscresult.mkcl.org, results.targetpublications.org आणि sscresult.mkcl.org या वेबसाईटवर निकाल जाहीर होणार आहे. या वेबसाईटवर निकाल तपासण्यासाठी विद्यार्थ्यांना त्यांचा परीक्षा क्रमांक आणि आईचे नाव टाकावे लागणार आहे. ऑनलाईन मार्कशीटमध्ये विषयवार गुण, जन्मतारीख आणि परीक्षा क्रमांकाचा र समाविष्ट असेल.
