नवी दिल्ली : सोने-चांदीच्या दरात सातत्याने चढउतार पाहिला मिळत आहे. त्यातच दोन महिन्यांच्या सतत वाढीनंतर, सोने आणि चांदीच्या किमतीत मोठी घसरण सुरू झाली आहे. सोने आणि चांदीच्या किमती दररोज घसरत आहेत. शुक्रवारी सुरुवातीच्या व्यवहारात सोने-चांदीच्या दरात लक्षणीय घट दिसून आली.
सोने-चांदीने विक्रमी उच्चांक गाठल्यानंतरही ही घसरण सुरूच आहे. एमसीएक्सवर सोने १.३२ लाख रुपये प्रति १० ग्रॅम या विक्रमी उच्चांकावर पोहोचले, तर चांदी १.७० लाख रुपयांच्या विक्रमी उच्चांकावर पोहोचली. दोन्ही दागिन्यांमध्ये लक्षणीय घट दिसून आली आहे. सोने ९००० रुपयांपेक्षा जास्त घसरले आहे, तर चांदी २४००० रुपयांपेक्षा जास्त घसरली आहे. ही घसरण अशा वेळी झाली आहे जेव्हा जागतिक जोखीम धारणा सुधारत आहे.
अमेरिकन डॉलर मजबूत होत आहे आणि गुंतवणूकदार त्यांच्या सुरक्षित गुंतवणूकीचा विचार करत आहेत. महागाईची चिंता, व्याजदर कपातीची अपेक्षा आणि भू-राजकीय अस्थिरतेच्या दरम्यान ही सुधारणा झाली आहे. त्यामुळे आता डॉलर मजबूत होताना दिसत आहे.
काय आहेत सोने-चांदीचे दर?
एमसीएक्सवर सोन्याचा भाव प्रति १० ग्रॅम १२२८६० वर पोहोचल्याचे पाहिला मिळाले. तर चांदीचा भाव प्रति १० ग्रॅम १४५९४७ वर पोहोचले आहेत. जे २५६५ रुपयांनी घसरले आहेत. सोन्याचा उच्चांक १२३७७६ असल्याचे दिसून आले.
