नवी दिल्ली : जगातील प्रमुख अर्थव्यवस्थांमध्ये भारताची अर्थव्यवस्था सर्वात वेगाने वाढत आहे. सर्व देश मोठे आणि लहान असे एकत्रित केले तर 14 देशांचा जीडीपी भारतापेक्षा वेगाने वाढत आहे. आयएमएफच्या ऑक्टोबर २०२५ च्या जागतिक आर्थिक दृष्टिकोनानुसार, २०२५ मध्ये भारताचा जीडीपी विकासदर ६.६% राहण्याचा अंदाज आहे. या यादीत दक्षिण सुदान आघाडीवर आहे.
२०११ मध्ये दक्षिण सुदान सुदानपासून वेगळा झाला. या वर्षी त्याचा जीडीपी २४.३% दराने वाढण्याचा अंदाज आहे. दक्षिण सुदाननंतर, आणखी एक आफ्रिकन देश, लिबिया, पुढील क्रमांकावर आहे. यावर्षी लिबियाचा जीडीपी १५.६% दराने वाढण्याची अपेक्षा आहे. कॅरिबियन देश गयाना या यादीत तिसऱ्या क्रमांकावर आहे, ज्याची अर्थव्यवस्था १०.३% दराने वाढण्याचा अंदाज आहे. या यादीत आयर्लंड (९.१%), किर्गिझ रिपब्लिक (८%), ताजिकिस्तान (७.५%), गिनी (७.२%), जॉर्जिया (७.२%), इथिओपिया (७.२%), रवांडा (७१.%), बेनिन (७%), उझबेकिस्तान (६.८%) आणि भूतान (६.८%) हे देशही भारताच्या पुढे आहेत.
नायजरची अर्थव्यवस्था (६.६%) भारताच्या वेगाने वाढण्याचा अंदाज आहे. यावर्षी व्हिएतनामची अर्थव्यवस्था ६.५% दराने वाढण्याचा अंदाज आहे. युगांडा आणि आयव्हरी कोस्टचा जीडीपी ६.४% दराने वाढू शकतो. त्याचप्रमाणे झिम्बाब्वे, गांबिया, टांझानिया, सेनेगल आणि जिबूतीचा जीडीपी ६% दराने वाढू शकतो.
कझाकस्तानची अर्थव्यवस्था ५.९%, झांबियाची ५.८%, मंगोलियाची ५.५%, फिलीपिन्सची ५.४% दराने वाढण्याचा अंदाज आहे. यातून हेदेखील दिसून येते की भारतापेक्षा इतर देशांची अर्थव्यवस्था वेगाने वाढत आहे.
