मुंबई : गेल्या काही दिवसांपासून भारतीय शेअर बाजारात सातत्याने चढउतार पाहिला मिळत आहे. अनेक शेअर सतत घसरत आहे. ही घसरण १९ ते २३ जानेवारी दरम्यान सुरू राहिली. या काळात बीएसई सेन्सेक्स आणि निफ्टी ५० मध्ये सुमारे २.५ टक्क्यांनी घसरण झाली. जागतिक अनिश्चितता, रुपयाची कमकुवतपणा आणि परदेशी संस्थात्मक गुंतवणूकदारांनी केलेल्या विक्रीमुळे शेअर बाजार लाल रंगात व्यवहार करताना दिसले.
गुंतवणूकदारांचा विश्वासही कमी झाला आहे. २७ जानेवारीपासून सुरू होणाऱ्या आठवड्यात काही कंपन्यांच्या शेअर्समध्ये सुधारणा दिसू शकते. कंपन्यांनी त्यांचे तिमाही निकाल आणि कॉर्पोरेट घोषणा जाहीर केल्या आहेत, ज्यामुळे गुंतवणूकदारांचे लक्ष या शेअर्सकडे वेधले जाऊ शकते. डिसेंबर २०२५ च्या तिमाहीत अल्ट्राटेक सिमेंटचा निव्वळ नफा वार्षिक आधारावर २७ टक्क्यांनी वाढून १७२९.४४ कोटी झाला. गेल्या वर्षी याच तिमाहीत तो १३६३.४४ कोटी होता.
तसेच भारत पेट्रोलियम कॉर्पोरेशनच्या एकत्रित निव्वळ नफ्यात डिसेंबर तिमाहीत मोठी वाढ झाली. कंपनीचा नफा मागील वर्षीच्या याच कालावधीतील ३८०५.९४ कोटींच्या तुलनेत ८८.८७ टक्क्यांनी वाढून ७१८८.४ कोटी झाला. या माहितीनंतर गुंतवणूकदारांचे लक्ष या शेअरवर असू शकते.
कोटक महिंद्रा बँकेचे शेअर्सची फायद्याचे…
कोटक महिंद्रा बँकेने आर्थिक वर्ष २०२६ च्या तिसऱ्या तिमाहीत त्यांच्या स्वतंत्र निव्वळ नफ्यात ४.३ टक्के वाढ नोंदवली आहे, जी वर्षभराच्या याच कालावधीत ३४४६ कोटींवर पोहोचली आहे. गेल्या वर्षी याच कालावधीत हा नफा ३३०५ कोटी होता.
