मुंबई : टीव्हीवरील सर्वात लोकप्रिय अभिनेत्रींपैकी एक मानली जाणारी बरखा बिश्त ‘क्योंकी सास भी कभी बहू थी २’ मध्ये एका महत्त्वाच्या भूमिकेत दिसली होती. मात्र, आता या मालिकेत तिची भूमिका संपली आहे. अभिनेत्री बरखाने सोशल मीडियावर एक भावनिक पोस्ट शेअर केली आहे. ‘क्योंकी सास भी कभी बहू थी’च्या ताज्या एपिसोडमध्ये, तुळसी सर्वांसमोर नयनाचा खोटेपणा उघड करते.
नोयनाला कॅन्सर नाही, तर अल्सर आहे. त्यानंतर ती मिहिर आणि नोयनाचे लग्न मोडते. आता बरखाचा कॅन्सरचा एपिसोड संपल्याने, अभिनेत्रीने इन्स्टाग्रामवर एक लांबलचक पोस्ट शेअर करून या मालिकेत तिची भूमिका संपल्याची पुष्टी केली आहे. अभिनेत्रीने तिच्या पोस्टमध्ये लिहिले, आम्ही या शोच्या माध्यमातून इतिहास घडवला आहे आणि मला मिळालेल्या प्रेमाबद्दल आणि विश्वासाबद्दल मी सर्वांचे कितीही आभार मानले तरी ते कमीच आहेत. नोयना या पात्राशी लोकांचे प्रेम-द्वेषाचे नाते होते. अभिनेत्रीने टीमचे आभारही मानले. ‘क्योंकि सास भी कभी बहू थी २’ च्या टीमचे आभार, जे प्रत्येक पावलावर माझ्या पाठीशी उभे राहिले.
अभिनेत्रीने तिला नोयनाच्या भूमिकेसाठी निवडल्याबद्दल आणि तिच्यावर विश्वास ठेवल्याबद्दल एकता कपूरचे आभार मानले. बरखाने शोमधून बाहेर पडण्याची घोषणा करताच, सोशल मीडियावर चाहत्यांनी तिच्या अभिनयाचे कौतुक केले. सोशल मीडिया युजर्सने लिहिले की, नोयनाचे पात्र फारसे आवडले नसले तरी, बरखाने ते उत्कृष्टपणे साकारले.
