मुंबई : अभिनय क्षेत्रात असे अनेकजण आहेत त्यांनी आपल्या अभिनयाच्या जोरावर अनेक असाध्य गोष्टी साध्य केल्या. त्यापैकी एक नाव म्हणजे सुधा चंद्रन. सुधा चंद्रन या टीव्हीवरील सर्वात शक्तिशाली आणि प्रतिभावान अभिनेत्रींपैकी एक मानल्या जातात. त्यांनी अनेक चित्रपटांमध्येही काम केले आहे. पण त्यांची खरी ओळख टीव्हीवर नकारात्मक भूमिका साकारल्याने झाली.
सुधा चंद्रन यांनी इंडस्ट्रीमध्ये एक खास ओळख निर्माण केली आहे. पण, इथपर्यंतचा प्रवास त्यांच्यासाठी सोपा नव्हता. त्यांच्या वैयक्तिक आयुष्यात त्यांना अनेक संघर्षांचा सामना करावा लागला आहे. एक काळ असा होता की, जेव्हा सुधा चंद्रनला एका लोकप्रिय टीव्ही शोमध्ये काम करण्यासाठी दररोज फक्त ३००० रुपये दिले जात होते. त्यावेळी टीव्ही इंडस्ट्रीमध्ये फी स्ट्रक्चर आजच्यासारखे नव्हते. सुधा चंद्रन या कमाईने त्यांचे आयुष्य घडवत होत्या. आज, त्या प्रवासाने त्यांना अशा स्थितीत आणले जिथे त्यांची प्रति एपिसोड फी सुमारे ३ लाख रुपये आहे.
सुधा चंद्रन यांनी बालाजी टेलिफिल्म्सच्या “कहीं किसी रोज,” “क्योंकी सास भी कभी बहू थी,” आणि “के स्ट्रीट पाली हिल” यासारख्या शोमध्ये काम करण्याचा अनुभव आठवला. त्यांनी एकता कपूरच्या शोमध्ये काम करण्याचा अनुभवही शेअर केला. त्या म्हणाल्या, जेव्हा मी शो साईन केला तेव्हा माझे लग्न त्याच सुमारास झाले होते.
मी लवकरच घटस्फोट घेईन वाटलं पण…
मी लवकरच घटस्फोट घेईन कारण त्यांना वाटले की माझ्याकडे घरी जाण्यासाठी वेळ नाही. पण मला माझ्या पतीकडून प्रचंड पाठिंबा मिळाला. त्यांनी मला या संधीचा फायदा घेण्यास सांगितले आणि मी जवळजवळ आठ वर्षे दिवसरात्र काम केले, असे म्हटले.
