Ladki Bahin Yojana: केवळ महिलांसाठी असलेल्या ‘मुख्यमंत्री माझी लाडकी बहीण’ योजनेत पुरुष अर्जदारांनी घुसखोरी केल्याची धक्कादायक घटना नंदुरबार जिल्ह्यात उघड झाली आहे. तब्बल ७१० पुरुषांनी या योजनेचा लाभ घेण्यासाठी नोंदणी केली होती. मात्र, प्रशासनाच्या चोख नियोजनामुळे आणि तांत्रिक पडताळणीमुळे हा प्रकार उघडकीस आला असून, हे सर्व संशयास्पद अर्ज प्रशासनाने तातडीने फेटाळून लावले आहेत.
तांत्रिक चुकीमुळे पितळ उघडे: ‘पुरुष’ पर्याय निवडल्याने फजिती
या ७१० अर्जांच्या छाननी दरम्यान एक गंभीर बाब समोर आली. अर्ज भरताना ‘लिंग’ (Gender) या रकान्यात महिला निवडण्याऐवजी अर्जदारांनी ‘पुरुष’ हा पर्याय निवडला होता. ही चूक जाणीवपूर्वक केली गेली की अनावधानाने झाली, याचा तपास सध्या सुरू आहे. मात्र, या एका तांत्रिक चुकीमुळे संबंधित अर्जदारांचे बिंग फुटले आणि त्यांचे अर्ज तत्काळ कचऱ्याच्या डब्यात फेकण्यात आले.
ई-केवायसी (E-KYC):
सरकारी तिजोरीवर डल्ला मारण्याचे प्रयत्न ‘ई-केवायसी’च्या फिल्टरमुळे पूर्णपणे फसले आहेत. आधार कार्डवरील लिंग आणि अर्जात दिलेली माहिती यामध्ये तफावत आढळल्याने सिस्टमने हे अर्ज आपोआप नाकारले. पडताळणीच्या पहिल्याच टप्प्यात ही चूक पकडली गेल्याने एकाही पुरुषाला योजनेचे पैसे मिळू शकले नाहीत, ज्यामुळे सरकारी निधीचा होणारा मोठा अपव्यय वेळेत रोखण्यात प्रशासनाला यश आले आहे.
प्रशासनाचा ‘मायक्रो वॉच’ आणि ई-केवायसीची प्रक्रिया
या प्रकरणानंतर महिला व बालकल्याण विभागाने अधिक कडक पवित्रा घेतला असून नंदुरबार जिल्हा प्रशासनाने आता प्रत्येक अर्जाची ‘मायक्रो’ लेव्हलवर तपासणी सुरू केली आहे. केवळ पात्र आणि गरजू महिलांनाच लाभ मिळावा, यासाठी ही खबरदारी घेतली जात आहे. पात्र महिलांनी आपला अर्ज सुरक्षित ठेवण्यासाठी खालीलप्रमाणे ई-केवायसी प्रक्रिया पूर्ण करणे आवश्यक आहे:
- अधिकृत पोर्टल: सर्वप्रथम ladakibahin.maharashtra.gov.in वर लॉगिन करा.
- केवायसी टॅब: होमपेजवरील ‘ई-केवायसी’ या बटणावर क्लिक करा.
- आधार प्रमाणीकरण: तुमचा आधार नंबर टाकून कॅप्चा कोड भरा.
- ओटीपी व्हेरिफिकेशन: मोबाईलवर प्राप्त झालेला OTP टाकून माहिती सबमिट करा.
