Nobel Peace Prize Winner: यावर्षीचा नोबेल शांतता पुरस्कार जाहीर झाला आहे. व्हेनेझुएलाच्या मारिया कोरिना मचाडो यांना हा शांतता पुरस्कार देण्यात आला आहे. या वर्षीच्या नोबेल पुरस्कारासाठी अमेरिकेचे अध्यक्ष ट्रम्प यांना अनेक देशांनी नामांकित केले होते. परंतु, त्यांचे स्वप्न भंगले आहे. नॉर्वेजियन नोबेल समितीचे जॉर्गेन वॅटनर फ्रायडनेस यांनी म्हटले की, जेव्हा हुकूमशहा सत्ता हस्तगत करतात, तेव्हा लोकशाहीच्या अधिकारांसाठी उभे राहणाऱ्या धाडसी व्यक्तींना ओळखणे आवश्यक असते. समितीने विशेषतः व्हेनेझुएलाच्या परिस्थितीकडे लक्ष केंद्रित केले असून, मचाडो यांच्या संघर्षाचे कौतुक केले.
कोण आहेत मारिया कोरिना मचाडो?
मारिया कोरिना मचाडो या व्हेनेझुएलाच्या विरोधी पक्षातील प्रमुख नेत्या आहेत. त्यांनी २० वर्षांहून अधिक काळ मुक्त आणि निष्पक्ष निवडणुकीसाठी लढा दिला. त्यांनी विरोधकांना एकत्र आणून लोकशाही आणि शांततापूर्ण संक्रमण सुनिश्चित केले. फ्रायडनेस यांनी मचाडो यांना ‘शांततेचे धाडसी आणि वचनबद्ध चॅम्पियन’ म्हटले. व्हेनेझुएलाच्या लोकांच्या लोकशाही हक्कांना प्रोत्साहन देण्यासाठी आणि हुकूमशाहीतून लोकशाहीकडे न्याय्य आणि शांततापूर्ण संक्रमणासाठी मारिया कोरिना मचाडो यांना नोबेल शांतता पुरस्कार प्रदान करण्यात आला.
BREAKING NEWS
The Norwegian Nobel Committee has decided to award the 2025 #NobelPeacePrize to Maria Corina Machado for her tireless work promoting democratic rights for the people of Venezuela and for her struggle to achieve a just and peaceful transition from dictatorship to… pic.twitter.com/Zgth8KNJk9— The Nobel Prize (@NobelPrize) October 10, 2025
हेही वाचा – डोनाल्ड ट्रम्प यांच्या ‘त्या’ निर्णयामुळे भारताला 1300 कोटींचा फटका बसणार; उद्योग विश्वात खळबळ
दरम्यान, डोनाल्ड ट्रम्प यांनी स्वतःसाठी नोबेल शांतता पुरस्काराची मागणी केली होती. त्यांनी भारत-पाकिस्तान युद्धासह जागतिक संघर्ष सोडवण्यास मदत केल्याचा दावा केला होता. इस्रायल, थायलंड, कंबोडिया, अझरबैजान, आर्मेनिया आणि पाकिस्तानसह अनेक राष्ट्रांनी ट्रम्प यांना पाठिंबा दिला, परंतु 2025 चा पुरस्कार ट्रम्प यांना मिळाला नाही. त्यामुळे ट्रम्प यांच्या सर्व आशा धुळीस मिळाल्या आहेत.
