Sindhudurg : सिंधुदुर्ग जिल्ह्यात धक्कादायक घटना घडली आहे. पर्यटनासाठी आलेल्या पर्यटकांपैकी आठ जण शिरोडा समुद्रात बुडल्याची घटना घडली आहे. त्यातील तीन जणांना बाहेर काढण्यात यश आले आहे. उपचारासाठी त्यांना शिरोडा उपजिल्हा रुग्णालयात हलवण्यात आले आहे. तीन जणांचे मृतदेह सापडले आहेत. घटनास्थळी बुडालेल्यांची शोध घेण्याची प्रक्रिया सुरु आहे. काही पर्यटक कुडाळचे तर काही बेळगाव येथील असल्याची प्राथमिक माहिती मिळत आहे.
शिरोडा वेळागर समुद्रात पर्यटक बुडाल्याची घटना घडली आहे. यामध्ये तिघांचे मृतदेह सापडले आहेत, तर तिघांना वाचवण्यात यश आले आहे. इतर दोन पर्यटकांचा शोध सुरु आहे. बुडालेले सर्व पर्यटक हे सिंधुदुर्ग जिल्ह्यातील असल्याची माहिती मिळाली आहे. शिरोडा वेळागर समुद्रात बुडालेल्या पर्यटकांचे शोधकार्य सुरु आहे.


