Pune Crime: पुण्यातील कोथरूडमध्ये झालेल्या गोळीबारानंतर स्वित्झर्लंडकडे पळालेल्या निलेश घायवळ प्रकरणावर कारवाई कधी होईल, हा प्रश्न अजूनही चर्चेत आहे. काही दिवसांपूर्वी भाजपचे आमदार चंद्रकांत पाटील यांना निलेश घायवळबाबत प्रश्न विचारण्यात आला होता, पण पाटीलांनी उत्तर देण्याऐवजी तिथेच वाट धरल्यामुळे अनेकांचे लक्ष वेधले गेले. याच पार्श्वभूमीवर आता शिंदे गटाचे नेते रविंद्र धंगेकर यांनी पत्रकार परिषदेतून भाजप नेत्यावर टीका केली आहे.
निलेश घायवळ समीर पाटीलच्या संपर्कात
धंगेकरांनी म्हटले की, चंद्रकांत पाटील सध्या आत्मचिंतन करत असतील. ते पूर्ण आत्मचिंतनानंतरच निलेश घायवळबाबत बोलतील. मात्र निलेश घायवळ समीर पाटीलच्या संपर्कात होता, जो मोकाट गुन्ह्यांचा आरोपी आहे. त्यांनी समीर पाटील आणि निलेश घायवळ यांचा फोटोही पत्रकार परिषदेत दाखवला. धंगेकरांनी असेही म्हटले की, निलेश घायवळ संदर्भात पोलीस महासंचालक यांना देखील पत्र पाठवण्यात आले आहे. गृहमंत्री देवेंद्र फडणवीस यांनी सगळ्यांना धडा शिकवावा. पुण्याला लागलेला गुन्हेगारीचा डाग पुसून काढला पाहिजे, असंही त्यांनी यावेळी म्हटलं.
हेही वाचा – Nilesh Ghaywal : निलेश घायवळच्या घरावर पोलिसांचा छापा; जिवंत काडतुसे, ४० कागदपत्रे अन् बरंच काही…
जर गृह खात्याने ठरवलं, तर आजपासून 15 दिवसांत निलेश घायवळ टोळी महाराष्ट्रात दिसणार नाही. पुणे पोलिसांनी आंदेकर टोळीवर जसा बुलडोझर चालवला आणि तपास शेवटपर्यंत केला, त्याचप्रमाणे या प्रकरणाचा तपासही होणे आवश्यक आहे. पोलीस खात्यातून दबका आवाज येतो, हा माणूस आम्हाला त्रास देतो, असंही धंनगेकर यांनी यावेळी नमूद केलं.
समीर पाटील उर्फ मिनी चंद्रकांतदादा…
हा घ्या पुरावा…!
ही नेमकी कुठली सुसंस्कृत बिजनेस मिटिंग आहे..?गुन्हेगारी – दहशत – कोयता गॅंग – अवैध धंदे – बिझनेस डिल्स – समीर पाटील आणि आदरणीय चंद्रकांतदादा
हे सगळं एकत्र समीकरण आहे. pic.twitter.com/RT1NTnXbkL— Ravindra Dhangekar Official (@DhangekarRavii) October 8, 2025
समीर पाटीलवर आरोप
धंगेकरांनी समीर पाटीलबाबतही गंभीर आरोप केले. तो चंद्रकांत पाटील यांच्याकडे लुडबुड करणारा आहे. तो दादाकडून गुन्हेगारी क्षेत्रातील लोकांना मदत करतो आणि पोलीसांना त्रास देतो. कोथरूडमधील गुन्हेगारी, निलेश घायवळ प्रकरणात पासपोर्ट आणि सरकारी कागदांमध्ये छेडछाड करणाचे कामही समीर पाटील करतो, असा खळबजनक आरोपही यावेळी धंनगेकर यांनी केला.
