71st National Film Awards: 71 व्या राष्ट्रीय चित्रपट पुरस्कारांचा भव्य सोहळा 23 सप्टेंबर 2025 रोजी दिल्लीतील विज्ञान भवन येथे पार पडला. राष्ट्रपती द्रौपदी मुर्मू यांनी विजेत्यांना पुरस्कार देऊन सन्मानित केले. या वर्षी शाहरुख खान, राणी मुखर्जी आणि विक्रांत मेस्सी यांना त्यांच्या पहिल्या राष्ट्रीय पुरस्कारांनी सन्मानित करण्यात आले, तर दक्षिण भारतीय सुपरस्टार मोहनलाल यांना भारतीय चित्रपटसृष्टीतील सर्वोच्च सन्मान, दादासाहेब फाळके पुरस्काराने गौरवण्यात आले.
शाहरुख खानला ‘जवान’ चित्रपटातील अभिनयासाठी सर्वोत्कृष्ट अभिनेता पुरस्कार मिळाला, तर विक्रांत मेस्सी ‘12 वी फेल’ चित्रपटासाठी सन्मानित झाला. राणी मुखर्जीला ‘मिसेस चॅटर्जी विरुद्ध नॉर्वे’ चित्रपटातील दमदार अभिनयासाठी सर्वोत्कृष्ट अभिनेत्रीचा राष्ट्रीय पुरस्कार प्रदान करण्यात आला.
Celebrating the brilliance of #IndianCinema at the 71st #NationalFilmAwards!
Legendary actor, director, and producer Mohanlal conferred with the Dadasaheb Phalke Award for the year 2023 during 71st National Film Awards.@rashtrapatibhvn @AshwiniVaishnaw @DrLMurugan @nfdcindia… pic.twitter.com/5zoVhe4zRL
— Ministry of Information and Broadcasting (@MIB_India) September 23, 2025
दरम्यान, बाल कलाकार, मराठी तसेच इतर भाषांतील दिग्दर्शक, निर्माता, गायक आणि कलाकारांनाही त्यांच्या उत्कृष्ट कामगिरीसाठी राष्ट्रीय पुरस्कार देण्यात आले. तसेच, प्रसिद्ध नृत्यदिग्दर्शिका वैभवी मर्चंट यांना ‘रॉकी आणि रानी की प्रेम कहानी’ मधील ‘धिंडोरा बाजे रे’ गाण्यासाठी सर्वोत्कृष्ट नृत्यदिग्दर्शन पुरस्कार मिळाला.
Celebrating the brilliance of #IndianCinema at the 71st #NationalFilmAwards!
🏆Award for the ‘Best Actor in a Leading Role’ is conferred to Shah Rukh Khan for ‘Jawan’ (Hindi).@rashtrapatibhvn @AshwiniVaishnaw @DrLMurugan @nfdcindia @iamsrk @PIB_India @DDNewslive @airnewsalerts… pic.twitter.com/TOANLI5tdK
— Ministry of Information and Broadcasting (@MIB_India) September 23, 2025
माहिती आणि प्रसारण मंत्रालयाचे सचिव संजय जाजू यांनी शाहरुखच्या दिल्ली थिएटर ते जागतिक स्टारडमपर्यंतच्या प्रवासाचे कौतुक केले. पुरस्कार स्वीकारताना शाहरुख खूपचं खूश दिसला. त्याने प्रेक्षकांचे आभार मानले. या भव्य सोहळ्यात राष्ट्रीय चित्रपट पुरस्कारांसह भारतीय चित्रपटसृष्टीतील प्रतिभावंत कलाकारांचा गौरव केला गेला आणि त्यांच्या कामाची दखल घेण्यात आली.
