नवी दिल्ली : सध्या हिवाळा सुरु झाला आहे. अनेक शहरांमध्ये हिवाळा येताच वायू प्रदूषण वाढताना दिसत आहे. दिल्लीचा AQI सतत वाढत आहे आणि हवा विषारी होत चालली आहे. अशा परिस्थितीत, एअर प्युरिफायर लोकांसाठी अधिक महत्वाचे होत आहेत. ब्रिटिश कंपनी Dyson ने भारतात एक नवीन एअर प्युरिफायर लाँच केले आहे.
डायसनचे हे नवीन हॉट+कूल एअर प्युरिफायर रूम हीटर म्हणून देखील काम करेल. डायसन HP2 De-NOx सह 99.95% पर्यंत कण कॅप्चर करू शकते आणि पूर्णपणे सील केलेले आहे, ज्यामुळे प्रदूषकांना तुमचे नुकसान होण्यापासून रोखले जाते, असा कंपनीचा दावा आहे. कंपनीने नवीन पिढीच्या डायसन एअर प्युरिफायरमध्ये सर्वात प्रगत गॅस कॅप्चर सिस्टिम दिली आहे. ते नायट्रोजन डायऑक्साइड (NO2), अस्थिर सेंद्रिय संयुगे (VOCs) आणि कणयुक्त पदार्थ (PM 2.5 आणि PM 10) कॅप्चर करून स्वच्छ हवा देऊ शकते.
हे एअर प्युरिफायर 0.1 मायक्रॉन इतके लहान कण कॅप्चर करते. यात HEPA H13 आणि सक्रिय कार्बन फिल्टर आहेत, जे घरातील प्रदूषके, घरगुती वायू आणि वास कॅप्चर करतात. डायसन हॉट+कूल एचपी २ डी-एनओएक्सची किंमत ६८९०० आहे तर डायसन हॉट+कूल एचपी१ची किंमत ५६९०० रुपये ठेवण्यात आली आहे. या एअर प्युरिफायरमध्ये बिल्ट-इन डिस्प्ले देखील आहे. याचा मोठा फायदा होताना दिसून येतो.
