महाराष्ट्र जागरण डेस्क: योग केल्यानं शरीर निरोगी राहतं. यासह योग मानसिक आजारांना दूर करण्यास मदत करतो. दररोज योगाचा सराव, नकारात्मक विचार आणि त्रासातून मुक्त होण्यास मदत करतो. यामुळे आपण बऱ्याच मानसिक आजारापासून आणि उच्च रक्तदाब आणि हृदयरोगापासून वाचता. जर आपण चांगल्या आरोग्यासाठी योग करत आहात, तर आपल्या योगामध्ये या ४ गोष्टींचा समावेश आवर्जून केला पाहिजे. त्याचे फायदे दुप्पट मिळतील.
सकाळी ध्यान करा: बरेचसे योगी सकाळी ध्यान करायला कधीही विसरत नाहीत. त्यांचे असे म्हणणे आहे की, ध्यान केल्यानं मानसिक व्याधींना दूर करण्यास मदत मिळेल आणि यामुळे आपल्या दिवसभराच्या क्रियेसाठी एक हेतू निश्चित केला जाऊ शकतो. रात्री झोपण्यापूर्वी गजर लावावा आणि सकाळी सूर्योदयाच्या पूर्वी उठावे. असे केल्याने आपण स्वतःसाठी पुरेसा वेळ देऊ शकाल आणि आयुर्वेदानुसार आपले संपूर्ण दिवस ऊर्जेने भरलेले राहतील.
मंत्र उच्चार करणं : आपण सकाळच्या ध्यान सत्रासाठी एक मंत्र निवडा, ज्याचे उच्चारण केल्याने आपल्या मनाला शांतता मिळते. जेणे करून आपण संपूर्ण दिवसाचा हेतू निश्चित करू शकता. शांती मंत्र शांतीसाठी जपणे आणि गायत्री मंत्र देखील आपण निवडू शकता. जे सूर्यप्रकाशाला आमंत्रित करतं आणि आपल्या दुःखाला कमी करण्यास आपली मदत करते.
स्वच्छ हवा घेण्यासाठी बाहेर जावं : सतर्कता आणि एकाग्रतेला वाढवून आपला सराव करण्यापूर्वी निसर्गाच्या सान्निध्यात फिरावं. असे केल्याने आपल्याला शांती मिळेल. संशोधनात असे दिसून आले आहे की, घराच्या बाहेर वेळ घालवण्याने चैतन्य वाढते, एंडोर्फिन रसायने उत्सर्जित होतात आणि तणाव कमी होतो.
उत्साह आणणारी न्याहारी घ्यावी: जर आपण आपल्या योगाभ्यासातून अधिकाधिक फायदा घेऊ इच्छित आहात, तर पौष्टिक न्याहारी घेणे आवश्यक आहे. निरोगी पर्यायांमध्ये ताजी फळे, आणि ग्रॅनोला, हिरवे स्मुदी किंवा चिया सीड्स न्याहारीत दह्यासह घेऊ शकता. आपण सकाळचा चहा किंवा लिंबू पाण्यासह दिवसाला ताजेतवाने बनवू शकता. आपण आपली पाण्याची बाटली नेहमी बरोबर ठेवा.
