शुद्ध हवा मिळावी यासाठी अनेकजण प्रयत्न करतात. त्यात देशभरातील अनेक शहरांमध्ये वायू प्रदूषण हा चर्चेचा विषय ठरला आहे. एअर क्वालिटी इंडेक्स (AQI) तुम्हाला तुमच्या परिसरातील किंवा शहरातील प्रदूषण पातळी निश्चित करण्यास मदत करतो. बरेच लोक घरातील हवा स्वच्छ करण्यासाठी एअर प्युरिफायर वापरतात. मात्र, या एअर प्युरिफायरशिवाय घरातील हवा स्वच्छ ठेवता येऊ शकते.
घरातील हवा स्वच्छ ठेवण्यासाठी घरात शूज घालणे टाळणे महत्वाचे आहे. तुमच्या राहत्या जागेला शू-फ्री झोन बनवा. यासाठी तुम्ही मायक्रोफायबर डोअरमॅट वापरू शकता. बाहेरील प्रदूषणापासून स्वतःचे रक्षण करण्यासाठी जेव्हा आपण खिडक्या आणि दरवाजे बंद करतो तेव्हा हे हानिकारक रेणू आत अडकतात. यामुळे, घरातील हवा अधिक प्रदूषित होते. बरेच लोक घरामध्ये कार्पेट वापरतात, जे धूळ आणि पाळीव प्राण्यांचे केस अडकवू शकतात. म्हणून, कार्पेट नियमितपणे स्वच्छ करावेत. अशा कार्पेट HEPA फिल्टर असलेल्या व्हॅक्यूमने स्वच्छ कराव्यात. याने हवा स्वच्छ मिळू शकते.
याशिवाय, हाय पोल्यूशन लेव्हलदरम्यान तुमच्या खिडक्या बंद ठेवा. यामुळे हानिकारक हवा तुमच्या घरात प्रवेश करण्यापासून रोखेल. तुम्ही एक्झॉस्ट फॅन देखील वापरू शकता. बाहेरील AQI कमी असताना तुमच्या खिडक्या उघडा. याने स्वच्छ हवा खेळती राहू शकते. याने तुम्हाला फायदा होऊ शकतो.
