Sharad Pawar: एक महिन्याच्या विश्रांतीनंतर ज्येष्ठ नेते बुधवारी(दि १८)दुपारी बारामती येथील गोविंदबाग निवासस्थानी दाखल झाले.यावेळी पवार ‘अॅक्शन मोड’वर आलेले पहावयास मिळाले. दिवंगत उपमुख्यमंत्री अजित पवार यांच्या निधनानंतर ज्येष्ठ नेते शरद पवार हे बारामतीत थांबून होते. मात्र, ९ फेब्रवारी पासून खोकल्याचा त्रास जाणवू लागला. मात्र, खोकल्याची उबळ वाढल्याने पवार उपचारासाठी पुणे शहरातील रुबी हाॅल रुग्णालयात दाखल झाले.
रूग्णालयातून ‘डीस्चार्ज’ घेतल्यानंतर थकवा जाणवत असल्याने २१ फेब्रवारी रोजी पवार यांना पुन्हा रुबी हाॅलमध्ये उपचारासाठी दाखल करण्यात आले होते. येथील उपचार पुर्ण झाल्यानंतर पवार मुंबई येथील सिल्वर ओक निवासस्थानी विश्रांतीसाठी थांबून होते. बुधवारी दुपारी ते येथील निवासस्थानी दाखल झाले.
हेही वाचा- 11 महिन्यांत पुणे रेल्वे विभागात 4 लाखांहून फुकट्यांवर कारवाई; 227 कोटींचा दंड वसूल
त्यानंतर त्यांनी विद्या प्रतिष्ठानच्या विश्वस्त समितीच्या बैठकीला उपस्थित होते. यावेळी बैठकीसाठी संस्थेचे खजिनदार युगेंद्र पवार, उपाध्यक्ष अॅड.अशोक प्रभुणे, सचिन निलीमा गुजर उपस्थित होते. यावेळी बैठकीत संस्थेच्या उपक्रमांचा आढावा घेत आवश्यक सूचना देखील केल्या.
