Maharashtra Weather Alert: भारतीय हवामान विभागाने (IMD) महाराष्ट्रासाठी आगामी तीन दिवसांसाठी हवामान इशारा जारी केला आहे. 27 ते 30 सप्टेंबर दरम्यान राज्यात मुसळधार ते अतिमुसळधार पावसाची शक्यता आहे. शनिवारी, नऊ जिल्ह्यांना ऑरेंज अलर्ट देण्यात आला आहे, तर उर्वरित 27 जिल्ह्यांमध्ये यलो अलर्ट लागू करण्यात आला आहे.
प्रदेशानुसार अलर्ट्स:
कोकण प्रदेश: मुंबई शहर, मुंबई उपनगर, ठाणे, रायगड, रत्नागिरी आणि सिंधुदुर्गला ऑरेंज अलर्ट; पालघरला यलो अलर्ट. मुंबईसह आसपासच्या भागात मुसळधार पावसाची शक्यता.
पश्चिम महाराष्ट्र: पुणे, सातारा आणि कोल्हापूरच्या घाट भागात ऑरेंज अलर्ट; उर्वरित जिल्ह्यांमध्ये यलो अलर्ट. अनेक ठिकाणी मुसळधार पावसाचा धोका.
उत्तर महाराष्ट्र: नाशिक, अहमदनगर, जळगाव, धुळे आणि नंदुरबारसह सर्व जिल्ह्यांना यलो अलर्ट. विजांसह वादळे व ताशी 30–40 किमी वेगाने वारे येऊ शकतात.
मराठवाडा: लातूर, धाराशिव (उस्मानाबाद) आणि नांदेडला ऑरेंज अलर्ट; छत्रपती संभाजीनगर, जालना, परभणी, हिंगोली आणि बीडला यलो अलर्ट.
विदर्भ: सर्व 11 जिल्ह्यांना यलो अलर्ट. काही भागात वादळे, विजांचा कडकडाट आणि 30–40 किमी वेगाने वारे येण्याची शक्यता.
मागील दोन दिवसांपासून पावसाला ब्रेक लागल्यामुळे, 27 सप्टेंबरपासून मुसळधार पाऊस सुरू होणार आहे. शेतकरी आणि नागरिकांनी अनपेक्षित हवामानाच्या काळात सावधगिरी बाळगावी, जमिनीतून खत, पीक सुरक्षित ठेवावे आणि वाहतुकीसाठी खबरदारी घ्यावी, असं आवाहन हवामान विभागाकडून करण्यात आलं आहे.
