Mumbai News : मुंबई येथून एक अत्यंत दु:खद घटना समोर आली असून पोलीस दलात खळबळ उडाली आहे. आझाद मैदान पोलीस ठाण्यात कार्यरत असलेले पोलीस शिपाई किशोर म्हस्के यांनी राहत्या घरी गळफास घेऊन आत्महत्या केली.
मिळालेल्या माहितीनुसार, किशोर म्हस्के हे घाटकोपर परिसरातील सरकारी पोलीस वसाहतीत राहत होते. मंगळवारी घरात कोणीही नसताना त्यांनी टोकाचे पाऊल उचलल्याचे समोर आले. घटनेची माहिती मिळताच परिसरात एकच खळबळ उडाली.
या प्रकरणी स्थानिक पोलिसांनी अकस्मात मृत्यूची नोंद केली असून आत्महत्येमागील नेमके कारण अद्याप स्पष्ट झालेले नाही. घटनास्थळी कोणतीही सुसाईड नोट सापडली नसल्याने कौटुंबिक कारण, कामाचा ताण किंवा इतर कोणतेही कारण होते का, याचा तपास सुरू आहे.
या घटनेमुळे मुंबई पोलीस दलात शोककळा पसरली असून सहकाऱ्यांकडून हळहळ व्यक्त केली जात आहे.
Bookmark (0)
Please login to bookmark
Close
