धुळे : घराच्या अंगणात खेळत असताना एका 8 वर्षीय चिमुकलीचा दु्र्दैवी मृत्यू झाला आहे. एक फुगा चिमुकली चिमुकलीचे प्राण घेण्यास कारणीभूत ठरला असल्याची माहिती समोर आली. अंगणात खेळत असताना फुगा फुगवताना तो तोंडातच फुटला. त्यानंतर श्वास कोंडल्याने तिचा मृत्यू झाला. डिंपल वानखेडे असे 8 वर्षीय चिमुकलीचे नाव आहे. यामुळे वानखेडे कुटुंबावर दु:खाचा डोंगर कोसळला आहे. डिंपलच्या दुर्देवी मृत्यूमुळे परिसरात हळहळ व्यक्त करण्यात येत आहे.
धुळे शहरातील यशवंत नगरमध्ये ही घटना घडली आहे. फुगा फुगवताना अचानकच तो तोंडातच तो फुटला. त्या फुग्याचे तुकडे डिंपलच्या श्वासनलिकेत अडकल्याने तिला आपला जीव गमवावा लागला. तिला श्वास घेण्यास त्रास होत आहे, हे लक्षात येताच घरातील लोकांनी तिला तातडीने जवळच्या खासगी रुग्णालयात दाखल केले.त्यानंतर, डॉक्टरांनी तपासून डिंपलला मृत घोषित केले. आपल्या अंगणात खेळत असताना फुगा फुगवताना झालेल्या या दुर्घटनेत आठ वर्षीय डिंपल दुर्दैवी मृत्यू झाल्याने संपूर्ण परिसरात हळहळ व्यक्त करण्यात येत आहे.
