Maharashtra politics : राष्ट्रवादी काँग्रेस (अजित पवार गट)च्या राष्ट्रीय कार्यकारिणीची नवी यादी समोर आल्यानंतर राजकीय वर्तुळात मोठी खळबळ उडाली आहे. या यादीत पक्षातील अनेक ज्येष्ठ आणि दिग्गज नेत्यांना डावलण्यात आल्याचं दिसून येत आहे.
केंद्रीय निवडणूक आयोगाला सादर करण्यात आलेल्या या यादीतून प्रफुल्ल पटेल यांचं नाव वगळण्यात आलं आहे. त्याचप्रमाणे सुनील तटकरे, छगन भुजबळ आणि दिलीप वळसे-पाटील यांनाही कार्यकारिणीत स्थान मिळालेलं नाही. त्यामुळे पक्षातील अंतर्गत नाराजी आणि बदलांची चर्चा सुरू झाली आहे.
या यादीवर प्रतिक्रिया देताना सुनेत्रा पवार यांनी ही तांत्रिक चूक असल्याचं सांगितलं असून लवकरच ती दुरुस्त केली जाईल असं स्पष्ट केलं आहे.
दरम्यान, नव्या यादीत अजित पवारांचे पुत्र पार्थ पवार यांची सरचिटणीसपदी तर जय पवार यांची राष्ट्रीय सचिवपदी नियुक्ती करण्यात आली आहे. तसेच काही नव्या चेहऱ्यांना संधी देण्यात आली असून जुन्या आणि अनुभवी नेत्यांना वगळल्याने राजकीय वर्तुळात चर्चांना उधाण आलं आहे.
