इंदापूर : राज्यातील स्थानिक स्वराज्य संस्थांच्या निवडणुकीचा रणसंग्राम आता अंतिम टप्प्यात पोहोचला आहे. बुधवार, 21 जानेवारी रोजी उमेदवारी अर्ज दाखल करण्याच्या शेवटच्या दिवशी इंदापूर तालुक्यात शिवसेना (उद्धव बाळासाहेब ठाकरे) गटाने जोरदार मुसंडी मारली आहे. तालुक्यात जिल्हा परिषदेच्या 6 आणि पंचायत समितीच्या 6 अशा एकूण 12 जागांसाठी ‘उबाठा’ गटाच्या वतीने अधिकृत उमेदवारी अर्ज दाखल करण्यात आले आहेत.
उबाठाचे जिल्हा परिषदेच्या 6 व पंचायत समितीच्या सहा जागांवर उमेदवारी अर्ज दाखल
इंदापूर पंचायत समितीच्या 16 व जिल्हा परिषदेच्या 8 जागांसाठी तालुक्यात निवडणुक पार पडत आहे. शिवसेना उद्धव बाळासाहेब ठाकरे गटाने जिल्हा परिषदेच्या 6 जागा व पंचायत समितीच्या 6 जागांवर नामनिर्देशन अर्ज दाखल केले आहेत.
जिल्हा परिषद गट: ‘उबाठा’ गटाचे अधिकृत शिलेदार
जिल्हा परिषदेच्या 6 महत्त्वाच्या गटांतून खालील उमेदवारांनी आपले नशीब आजमावण्यासाठी अर्ज भरले आहेत:
- काटी-लाखेवाडी गट: नितीन ज्ञानदेव शिंदे
- निमगाव केतकी-शेळगाव गट: धनश्री सुदर्शन रणवरे
- वडापुरी-माळवाडी गट: तात्या बबन पाटील
- वालचंदनगर-कळस गट: मीरा प्रदीप आरडे
- भिगवण-शेटफळ गढे गट: डॉ. वैशाली बाळासाहेब भोसले
- बावडा-लुमेवाडी गट: राणुताई नानासाहेब इंगवले
पंचायत समिती गण: ‘या’ उमेदवारांना मिळाली संधी
पंचायत समितीच्या 6 गणांतून पक्षाने खालील चेहऱ्यांना उमेदवारी जाहीर केली आहे:
- लाखेवाडी गण: रेश्मा अभिजित पाटील
- काटी गण: नितीन ज्ञानदेव शिंदे
- शेळगाव गण: नितीन बुवासाहेब कदम
- निमगाव केतकी गण: रणजित दादाराम बारवकर
- वडापुरी गण: स्नेहल सचिन इंगळे
- बिजवडी गण: सुधीर सुभाष पाटील
निवडणुकीत चुरस वाढणार
काटी-लाखेवाडी आणि निमगाव केतकी यांसारख्या महत्त्वाच्या पट्ट्यात ‘मशाल’ चिन्हावर निवडणूक लढवणारे हे उमेदवार प्रस्थापित नेत्यांच्या सत्तेला सुरुंग लावणार का, याकडे सर्वांचे लक्ष लागले आहे.
