Mumbra Accident: मुंब्रा येथील गावदेवी बायपासवर रविवारी एका भीषण कंटेनर अपघातात तीन तरुणांचा मृत्यू झाला. मृत तरुण कामानिमित्त आपल्या बाईकवरून बाहेर जात होते, त्यावेळी मोठ्या कंटेनरखाली आल्याने हा दुर्दैवी अपघात घडला. मृतकांची वयमर्यादा 18 ते 23 वर्षे असून, त्यापैकी अफजल मोईनुद्दीन हसन हा दुचाकीस्वार होता. ते आपल्या ॲक्सिस ऍक्टिवा गाडीने शिळफाटा दिशेने प्रवास करत असताना ही घटना घडली.
घटनेची माहिती मिळताच प्रवीण पवार यांनी मुंब्रा पोलीस स्टेशन, फायर ब्रिगेड, आपत्ती व्यवस्थापन कक्ष आणि ॲम्बुलन्स यांना त्वरीत बोलावून मदत कार्य सुरू केले. स्थानिक नागरिकांनीही घटनास्थळी मोठ्या संख्येने धाव घेत मृत्युमुखी पडलेल्या तरुणांना मदत केली. तरणांचे मृतदेह सरकारी रुग्णालयात शवविच्छेदनासाठी पाठविण्यात आले आहेत.
ठाण्यात तरुणाचा आत्महत्येचा प्रयत्न
ठाण्यातील कशेळी ब्रिजवर मध्यरात्री अडीच वाजताच्या सुमारास अविनाश उतेकर (वय 43, रा. वांगणी) यांनी थेट खाडीत उडी मारून आत्महत्येचा प्रयत्न केला. यानंतर घटनास्थळी नारपोली पोलीस स्टेशनचे कर्मचारी आणि स्थानिक नागरिक धावत आले. त्यांनी उतेकर यांना बाहेर काढले. त्यानंतर त्यांना छत्रपती शिवाजी महाराज रुग्णालय, कळवा येथे उपचारासाठी दाखल करण्यात आले. सुदैवाने त्याचा जीव वाचला असून, चेहरा आणि नाकाला गंभीर दुखापत झाली. पोलिसांनी या प्रकरणाचा पुढील तपास सुरू केला आहे.
