Lungi Ngidi Injury: दिल्लीच्या अरुण जेटली स्टेडियमवर ‘दिल्ली कॅपिटल्स’ विरुद्ध ‘पंजाब किंग्स’ या सामन्यादरम्यान क्रिकेट चाहत्यांच्या काळजाचा ठोका चुकवणारी घटना घडली. दिल्लीचा स्टार वेगवान गोलंदाज लुंगी एन्गिडी याला क्षेत्ररक्षण करताना डोक्याला गंभीर दुखापत झाली आहे. परिस्थिती इतकी बिकट होती की, त्याला चालताही येत नसल्याने थेट मैदानावर रुग्णवाहिका पाचारण करून रुग्णालयात हलवावे लागले.
झेल घेण्याचा प्रयत्न बेतला जीवावर
पंजाब किंग्सचा संघ २६५ धावांच्या आव्हानाचा पाठलाग करत असताना तिसऱ्या षटकात हा अपघात झाला. अक्षर पटेलच्या चेंडूवर फलंदाज प्रियांश आर्याने हवेत फटका मारला. मिड-ऑफला तैनात असलेला एन्गिडी झेल घेण्यासाठी मागे धावत असताना त्याचा ताबा सुटला आणि तो जोरात डोक्याच्या बाजूने जमिनीवर कोसळला. जमिनीवर आदळताच एन्गिडी वेदनेने विव्हळू लागला आणि हालचाल करणे त्याला अशक्य झाले. हे पाहून मैदानावर काही काळ शांतता पसरली आणि दोन्ही संघांच्या खेळाडूंनी काळजीत त्याच्याभोवती गर्दी केली.
DC ಪಾಲಿಗೆ ಇದು ದೊಡ್ಡ ಹೊಡೆತ!🫡
Lungi Ngidi ಆದಷ್ಟು ಬೇಗ ಕಮ್ಬ್ಯಾಕ್ ಮಾಡಲಿ ಅನ್ನೋದೇ ನಮ್ಮ ಹಾರೈಕೆ. 🙏
ವೀಕ್ಷಿಸಿ | #TATAIPL2026 👉 #DCvsPBKS | LIVE NOW | ನಿಮ್ಮ Star Sports ಕನ್ನಡ & JioHotstar ನಲ್ಲಿ.#TATAIPL pic.twitter.com/0fL7MH2prF
— Star Sports Kannada (@StarSportsKan) April 25, 2026
दुष्मंथा चमीराची ‘कन्कशन सबस्टिट्यूट’ म्हणून एन्ट्री
एन्गिडीच्या डोक्याला झालेल्या जखमेचे गांभीर्य लक्षात घेऊन त्याला तातडीने सामन्यातून बाहेर करण्यात आले. आयसीसीच्या नियमांनुसार, दिल्ली कॅपिटल्सने श्रीलंकेचा वेगवान गोलंदाज दुष्मंथा चमीरा याला ‘कन्कशन सबस्टिट्यूट’ म्हणून मैदानात उतरवले आहे. पंजाबचे प्रशिक्षक रिकी पाँटिंग यांनीही तातडीने मैदानावर धाव घेत एन्गिडीच्या प्रकृतीची माहिती घेतली.
