Jit Pabari Death: माजी भारतीय क्रिकेट स्टार चेतेश्वर पुजाराचा मेहुणा जीत पाबारीने गळफास लावून आत्महत्या केल्याची धक्कादायक माहिती समोर आली आहे. जीतच्या आत्महत्येने राजकोटमधील पाबारी कुटुंबाला मोठा धक्का बसला आहे. जीतच्या होणाऱ्या मंगेतरने त्याच्यावर २०२४ मध्ये मालवीय नगर पोलिस ठाण्यात बलात्काराची तक्रार दाखल केली होती.
जीतच्या होणाऱ्या मंगेतरने आपल्या तक्रारीत गंभीर आरोप केले होते. तिने आरोप केला आहे की, जीत पाबारी यांनी लग्नाचे आश्वासन देऊन तिच्याशी जबरदस्तीने शारीरिक संबंध ठेवले होते. चेतेश्वर पुजाराचे सासरचे लोक मूळचे जामजोधपूरचे आहेत. परंतु गेल्या वीस वर्षांपासून ते राजकोटमध्ये राहत आहेत.
दरम्यान, जीतची बहिण पूजा पाबारी यांचे लग्न पुजारा यांच्याशी झाले आहे. पूजा पाबारीचा जन्म गोंडल येथे झाला आणि तिने अहमदाबादमध्ये उच्च शिक्षण घेतले. एका बहुराष्ट्रीय कंपनीत एक वर्ष काम केल्यानंतर, तिने चेतेश्वर पुजारा यांच्याशी लग्न केले.
