नवी दिल्ली : सध्या टेक्नॉलॉजीच्या युगात अनेक गॅजेट्स आणले जात आहेत. त्यात स्मार्टफोन, स्मार्टवॉचेसला चांगली पसंती मिळत आहे. असे असताना आता गुगलने नवीन Google Pixel Watch 4 ऑगस्टमध्ये लाँच केला. आता या स्मार्टवॉचची विक्री ऑक्टोबरमध्ये अनेक मार्केटमध्ये सुरू झाली. तर भारतात विक्री नोव्हेंबरमध्ये सुरू होत आहे.
Google च्या Pixel Watch 4 लाँच झाल्यानंतर जवळजवळ तीन महिन्यांनी भारतात या वॉचची विक्री सुरू झाली आहे. हे वॉच शक्तिशाली फीचर्ससह मिळत आहे. त्यात SpO2, ECG आणि अंगाचे तापमान यांसारखी आरोग्य फीचर्स मिळत आहेत. त्यात अनेक फिटनेस ट्रॅकिंग फीचर्स देण्यात आले आहेत. गुगल पिक्सेल वॉच ४ ची किंमत ४१ मिमी आकाराच्या आणि वाय-फाय मॉडेलची किंमत ३९९०० रुपयांपासून सुरू होते. ४५ मिमी प्रकाराची किंमत ४३९०० आहे. तुम्ही हे वॉच गुगल इंडियाच्या अधिकृत वेबसाईटवरून खरेदी करू शकता. हे वॉच लवकरच फ्लिपकार्ट आणि इतर प्लॅटफॉर्मवर उपलब्ध होईल अशी अपेक्षा आहे.
Google Pixel Watch 4 मध्ये ऑलवेज ऑन फीचर्ससह ३D कर्व्ड एमोलेड डिस्प्ले देण्यात आला आहे. गोरिल्ला ग्लास ५ स्क्रीन प्रोटेक्शनसाठी वापरला जात आहे. डिस्प्लेची पीक ब्राइटनेस ३००० निट्स आहे. हे डिव्हाइस १०० रिसायकल केलेले अॅल्युमिनियम वापरत असल्याची माहिती देण्यात आली आहे. स्मार्टवॉच क्वालकॉम स्नॅपड्रॅगन W5 Gen 2 प्रोसेसरसह येतो. डिव्हाइस Wear OS 6 वर चालतो.
