नवी दिल्ली : सध्या अनेक स्मार्टफोन लाँच करण्यात आले आहेत. त्यात iQOO कंपनी भारतात आपला नवा स्मार्टफोन iQOO 15 लाँच करणार आहे. कंपनी हा फोन 26 नोव्हेंबर रोजी लाँच करणार आहे, ज्याची किंमत 60000 पर्यंत असू शकते. स्मार्टफोन लाँच होण्यापूर्वी, iQOO ने सर्व्हिस डेची घोषणा केली आहे. या डे अंतर्गत, कंपनी iQOO डिव्हाइसेससाठी मोफत सेवा देत आहे.
तुम्ही तुमच्या डिव्हाइसेसना iQOO सर्व्हिस सेंटरमध्ये मोफत सर्व्हिसिंग करून घेऊ शकता. त्यासाठी तुम्हाला कोणतेही चार्जेस द्यावे लागणार नाही. तुम्हाला फ्री क्लिनिंग, सॅनिटायझेशन, सॉफ्टवेअर अपडेट्स आणि निवडक अॅक्सेसरीज देखील मिळतील. iQOO ने X वर पोस्ट करून त्यांचा मंथली सर्व्हिस डे जाहीर केला आहे. या डेदरम्यान तुम्ही तुमच्या iQOO डिव्हाईसेसह कंपनीच्या सर्व्हिस सेंटरला भेट देऊ शकता. या काळात, तुमच्या फोनची वॉरंटी संपली असली तरी, दुरुस्तीसाठी कोणतेही चार्ज आकारले जाणार नाही. मात्र, स्पेअर पार्ट्ससाठी तुम्हाला चार्ज लागणार आहे.
iQOO लवकरच भारतीय बाजारात त्याचे प्रमुख डिव्हाइस लाँच करत आहे. रिपोर्टनुसार, iQOO 15 ची किंमत 60000 रुपयांपासून सुरू होऊ शकते. हे डिव्हाइस स्नॅपड्रॅगन 8 एलिट जेन 5 प्रोसेसरसह येईल. यात 50MP + 50MP + 50MP ट्रिपल रिअर कॅमेरा सेटअप असेल. समोर 32MP सेल्फी कॅमेरा दिला जाईल. स्मार्टफोनमध्ये 7000mAh बॅटरी असणार आहे.
